சென்னை: இயக்குநர் த.செ.ஞானவேல் இயக்கத்தில் நடிகர் ரஜினிகாந்த் நடிப்பில் உருவாகி வரும் புதிய திரைப்படம் 'தலைவர் 170'. இந்த படத்தை லைகா நிறுவனம் தயாரிக்கிறது. இந்த படத்திற்கு அனிருத் இசையமைக்கிறார்.
இந்நிலையில், இன்று (டிச.12) நடிகர் ரஜினிகாந்த்தின் 73வது பிறந்தநாளை முன்னிட்டு,'தலைவர் 170' படத்திற்கு 'வேட்டையன்' எனத் தலைப்பை அறிமுகப்படுத்தும் வீடியோ ஒன்றைப் படக்குழு வெளியிட்டுள்ளது. இதில், ரஜினிகாந்த் மிகவும் ஸ்டைலாக உள்ளார் என ரசிகர்கள் தரப்பில் கூறப்படுகிறது. மேலும், இந்த வீடியோவில் குறி வெச்சா இரை விழனும் என்று ரஜினிகாந்த் சொல்லும் வசனம் வைரலாகி வருகிறது.
முன்னதாக, இயக்குநர் நெல்சன் இயக்கத்தில் ரஜினிகாந்த் நடித்து சமீபத்தில் வெளியான திரைப்படம் ஜெயிலர். இப்படம் இந்த ஆண்டு வெளியாகி மிகப் பெரிய வெற்றியைப் பெற்றது. கடந்த சில படங்கள் ரஜினிகாந்த்திற்கு பெரும் ஏமாற்றத்தைக் கொடுத்தது.