சென்னை:ஜார்க்கண்ட் மாநிலத்தைச் சேர்ந்தவர் ரமேஷ் மண்டல் (27). இவர் வேளச்சேரி செல்வா நகரில் நடக்கும் கட்டட கட்டுமான நிறுவனத்தில் கொத்தனாராக பணிபுரிந்து வந்தார். கடந்த மாதம் 27ஆம் தேதி நண்பர்களுடன் சாலையில் நடந்து சென்று கொண்டு இருந்தபோது எதிரே வந்த பெருங்குடி, கல்லுக்குட்டையைச் சேர்ந்த 5 சிறுவர்கள் மீது மோதி உள்ளனர்.
இதில் இரு தரப்புக்கும் தகராறு ஏற்பட்டதில் வடமாநில இளைஞர்கள் சிறுவர்களைத் தாக்கிவிட்டு சென்று உள்ளனர். பின்னர் 5 சிறுவர்களும் கல்லுக்குட்டைக்கு சென்று வட மாநிலத்தைச் சேர்ந்தவர்கள் தாக்கியதாகக் கூறி, மேலும் 4 பேரை அழைத்து வந்தனர். மீண்டும் தகராறு ஏற்பட்டு ஒருவரை ஒருவர் தாக்கிக் கொண்டனர். இதில் ரமேஷ் மண்டல் பலத்த காயம் அடைந்து ராயப்பேட்டை அரசு மருத்துவமனையில் சேர்க்கப்பட்டார்.