சென்னை: இஸ்ரேல் போர் தாக்கத்தால் தங்கம் விலையில் தினமும் ஏற்றம், இறக்கம் காணப்பட்டு வருகின்றன. சென்னையில் ஆபரணத் தங்கத்தின் விலை சவரனுக்கு ரூ.120 உயர்ந்து, ஒரு சவரன் ரூ.45,400-க்கு விற்பனை ஆகின்றன. தங்கத்தின் விலையானது சர்வதேசப் பொருளாதாரச் சூழலில் மத்தியில், கமாடிட்டி மார்க்கெட்டைப் பொறுத்து நிர்ணயம் செய்யப்பட்டு வருகிறது.
இது மட்டுமின்றி சர்வவேதச வங்கி, சர்வதேச அரசியல் சூழல், அமெரிக்காவின் வங்கிகளின் வட்டி விகிதம் என்று பல்வேறு காரணங்களை முன் வைத்து தான் தங்கத்தின் விலையில் தினமும் ஏற்றம், இறக்கம் காணப்பட்டு வருகிறது. இஸ்ரேல்-ஹமாஸ் இடையே உருவாகியுள்ள போரின் எதிரொலியாகக் கடந்த 12 நாட்களாகத் தங்கத்தின் விலை தினமும் ஏற்றமும் இறக்கமுமாக இருந்து வருகிறது.
தங்கத்தின் விலையானது அக்டோபர் 20ஆம் தேதி அன்று திடீரென அதிரடியாக உயர்வைச் சந்தித்தது. இன்று (அக்.24) காலை கமாடிட்டி மார்க்கெட் தொடங்கிய நிலையில், சர்வதேச சந்தையில் தங்கம் விலை அவுன்ஸூக்கு 4.83 டாலர் உயர்ந்து 1,979.63 டாலராக இருந்து வருகிறது.