சென்னை: தமிழ் சினிமாவில் ஒவ்வொரு வாரமும் ஏகப்பட்ட படங்கள் வெளியாகி வருகின்றன. அதேபோல் இந்த வாரமும் ஏகப்பட்ட படங்கள் வெளியாக உள்ளன. இந்த வாரம் மொத்தம் இன்று 5 படங்கள் வெளியாக உள்ளன. இன்று ஹாய் நான்னா படம் வெளியாகி உள்ளது.
ஹாய் நான்னா: ஷௌர்யுவ் இயக்கத்தில் நானி நடித்துள்ள படம் ஹாய் நான்னா. இந்த படத்தில் நானிக்கு ஜோடியாக மிருனாள் தாக்கூர் நடித்துள்ளார். இப்படம் இன்று (டிச.7) தமிழ், தெலுங்கு உள்ளிட்ட மொழிகளில் வெளியாகி உள்ளது. இந்த படத்திற்கு இசையமைப்பாளர் ஹெஷாம் அப்துல் வஹாப் இசையமைத்துள்ளார்.
கட்டில்: இ.வி.கணேஷ்பாபு நடித்து இயக்கியுள்ள திரைப்படம் கட்டில். இப்படத்தில் சிருஷ்டி டாங்கே கதாநாயகியாக நடித்துள்ளார். இத்திரைப்படத்திற்கு ஸ்ரீகாந்த் தேவா இசையமைத்துள்ளார். வைரமுத்து மற்றும் மதன் கார்க்கி பாடல்கள் எழுதி உள்ளனர். இப்படம் திரையரங்குகளில் வெளியாகும் முன்னரே, பல்வேறு சர்வதேசத் திரைப்பட விழாக்களில் பங்கேற்று, பல விருதுகளைப் பெற்றுள்ளது குறிப்பிடத்தக்கது.
காஞ்ஜூரிங் கண்ணப்பன்:அறிமுக இயக்குனர் செல்வின் ராஜ் சேவியர் இயக்கத்தில் சதீஷ் நடித்துள்ள திரைப்படம் காஞ்ஜூரிங் கண்ணப்பன். இந்த படத்தை ஏஜிஎஸ் நிறுவனம் தயாரித்துள்ளது. இந்தபடம் நகைச்சுவை கலந்த திகில் படமாக உருவாகியுள்ளது. இப்படத்தில் ரெஜினா, நாசர் உள்ளிட்ட ஏராளமான நட்சத்திரங்கள் நடித்துள்ளனர். இந்த படத்திற்கு யுவன் சங்கர் ராஜா இசையமைத்துள்ளார். இந்த படம் நாளை ( டிச.8) திரையரங்குகளில் வெளியாக உள்ளது.