செங்கல்பட்டு:வேடந்தாங்கல் பறவைகள் சரணாலயம் சுற்றுலா பயணிகள் அதிகம் வரும் இடமாகும். ஆண்டுதோறும் அக்டோபர்-நவம்பர் மாதங்கள் தொடங்கி ஜனவரி-மார்ச் வரையில் பல நாடுகளில் இருந்து பல வகையான பறவைகள் இங்கு வந்து தங்கி இனவிருத்தி செய்து மீண்டும் சொந்த நாடுகளுக்குத் திரும்புவது வழக்கம்.
இந்த சரணாலயம் அமைந்துள்ள ஏரியின் ஆழம் ஏறத்தாழ 17 அடிகள். இப்போது 12 அடிகள் வரை தண்ணீர் உள்ளது. ஆண்டுதோறும் சீசனில் வேடந்தாங்கல் ஏரிக்கு குறைந்தது 30 ஆயிரம் முதல் 40 ஆயிரம் வரை பறவைகள் வருவது வழக்கம். கடந்தாண்டும் 40 ஆயிரத்திற்கும் மேற்பட்ட பறவைகள் வந்து சென்றன.
இந்த பறவைகளை கண்டுகளிக்கவும், பொழுதுபோக்கவும் பல்லாயிரக்கணக்கான சுற்றுலா பயணிகள் வருகை தருவதும் வழக்கமான ஒன்று. ஆனால் இந்த ஆண்டு தற்போது வரை 15 ஆயிரம் பறவைகள் மட்டுமே வருகை தந்துள்ளன. இதற்கு முக்கிய காரணம் மதுராந்தகம் ஏரி தூர்வாரும் பணிக்காக நீர் தேக்கி வைக்கப்படாமல், முற்றிலும் வறண்டு காணப்படுவதே ஆகும்.