கோயம்புத்தூர் மாவட்டத்தைச் சேர்ந்தவர் கோகுல் குமார். இவர் சென்னை அடுத்துள்ள புறநகர்ப் பகுதியிலுள்ள மருத்துவமனை ஒன்றில் மருத்துவராகப் பணிபுரிந்துவந்தார்.
இவருக்கும், செங்கல்பட்டு மாவட்டம் மதுராந்தகம் பகுதியிலுள்ள ஆனந்த் நகரில் வசிக்கும் முஹாரி என்பவரின் மகள் கீர்த்தனாவுக்கும் மூன்று ஆண்டுகளுக்கு முன்னதாக திருமணம் நடந்துள்ளது.
கோகுல் குமாருக்கும் அவரது மனைவி கீர்த்தனாவுக்கும் ஏற்பட்ட கருத்து வேறுபாடு காரணமாக விவாகரத்துக்கு விண்ணப்பித்துள்ளனர். அந்த வழக்கு தற்போது நிலுவையிலுள்ள நிலையில் கீர்த்தனா தனது கணவரை விட்டுப் பிரிந்து, கடந்த ஒரு வருடமாக செங்கல்பட்டு மாவட்டம் மதுராந்தகத்திலுள்ள தனது தந்தையின் வீட்டில் வசித்துவந்தார்.
இந்நிலையில், நேற்று (பிப். 19) தனது மனைவி வீட்டுக்குச் சென்றார் கோகுல் குமார். அப்போது, கோகுலுக்கு, அவரது மனைவிக்கும் இடையே வாக்குவாதம் ஏற்பட்டுள்ளது. இதில், ஆத்திரமடைந்த கோகுல், வீட்டிலிருந்த கத்தியை எடுத்து, கீர்த்தனாவின் கழுத்தில் குத்தியுள்ளார்.