இந்தியன் சூப்பர் லீக்கின் ஏழாவது சீசன் தற்போது பிளே ஆஃப் சுற்றை நெருங்கியுள்ளது. இன்று நடைபெற்ற லீக் ஆட்டத்தில் கேரளா பிளாஸ்டர்ஸ் அணி ஒடிசா எஃப்சி அணியுடன் பலப்பரீட்சை நடத்தியது.
போட்டியின் ஆரம்பம் முதலே இரு அணி வீரர்களும் சிறப்பான அட்டத்தை வெளிப்படுத்தி, எதிரணியை கோலடிக்க விடாமல் தடுத்தனர். இருப்பினும் அசத்தலான ஆட்டத்தை வெளிப்படுத்திய ஒடிசா அணியின் டியாகோ மொரிசியோ 45ஆவது நிமிடத்தில் கோலடித்தார்.
முதல் பாதி ஆட்டநேர முடிவில் ஒடிசா எஃப்சி அணி 1-0 என்ற கோல் கணக்கில் முன்னிலைப் பெற்றது. பின்னர் நடைபெற்ற இரண்டாம் பாதி ஆட்டத்தின் 52ஆவது நிமிடத்தில் கேரளா பிளாஸ்டர்ஸ் அணியின் ஜோர்டன் முர்ரே கோலடித்து அணியை தோல்வியிலிருந்து மீட்டார். அவரைத் தொடர்ந்து 68ஆவது நிமிடத்தில் கேரி ஹூப்பரும் கோலடிக்க கேரளா அணி முன்னிலைப் பெற்றது.