பெங்களூரு:இந்தியாவுக்கு சுற்றுப்பயணம் மேற்கொண்டுள்ள தென்னாப்பிரிக்கா கிரிக்கெட் அணி 5 போட்டிகள் கொண்ட டி20 தொடரில் விளையாடி வருகிறது. முதல் இரு ஆட்டங்களில் தென்னாப்பிரிக்கா அணி வெற்றி பெற்றது. மூன்றாவது, நான்காவது ஆட்டத்தில் இந்தியா வெற்றி பெற்றது. அந்த வகையில் இரு அணிகளும் சமநிலையில் உள்ளன.
பெங்களூருவில் உள்ள எம். சின்னசாமி மைதானத்தில் இன்று (ஜூன் 19) இறுதி போட்டி நடக்கிறது. முதலில் டாஸ் வென்ற கேசவ் மகாராஜ் பந்து வீச்சை தேர்வு செய்தார். அதன்படி, இந்திய வீரர்கள் களமிறங்க உள்ளனர். இன்றையப் போட்டியில் வெல்லும் அணி தொடரை கைப்பற்றும். இந்தியா அணி வீரர்கள் சொந்த மண்ணில் தொடரை கைப்பற்ற கூடுலாக போராட வேண்டியுள்ளது. இந்தப் போட்டி மிகுந்த விறுவிறுப்பு நிறைந்ததாக இருக்கும்.