உலக பேட்மின்டன் கூட்டமைப்பின் மூலம் நடத்தப்படும் வேர்ல்ட் டூர் ஃபைனல்ஸ் பேட்மின்டன் தொடர் இந்தாண்டு சீனாவில் நடைபெற்று வருகிறது. இத்தொடரில் இன்று நடைபெற்ற முதல் சுற்று ஆட்டத்தில் நடப்பு உலக சாம்பியனான இந்தியாவின் பி.வி. சிந்து, ஜப்பானின் அகானே யமகுச்சியை(Akane Yamaguchi) எதிர்கொண்டார்.
பரபரப்பான இந்த ஆட்டத்தில் இந்தியாவின் சிந்து 21-18 என்ற கணக்கில் முதல் செட்டை கைப்பற்றி அகானேக்கு அதிர்ச்சியளித்தார். அதனைத் தொடர்ந்து அதிரடியாக விளையாடிய அகானே இரண்டாவது செட்டை 21-18 எனவும், மூன்றாவது செட்டை 21-08 என்ற கணக்கிலும் கைப்பற்றி சிந்துவிற்கு அதிர்ச்சியளித்தார்.