ஃபோர்ப்ஸின் 30 வயதுக்குள் டாப் 30 இந்தியர்கள் பட்டியலில் 'சாய் பல்லவி'

வாஷிங்டன்: கணக்கு வகுப்பிலிருந்து தப்பிக்க ஆறாம் வகுப்பிலிருந்தே நடிப்பு பக்கம் வந்திருப்பாக சாய் பல்லவி பற்றி குறிப்பிட்டு அவரை கெளரவப்படுத்தியுள்ளது ஃபோர்ப்ஸ் பத்திரகை.

அமெரிக்காவின் பிரபல பத்திரிகையான ஃபோர்ப்ஸ் வெளியிட்டுள்ள 30 வயதுக்குள் டாப் 30 இந்தியர்கள் பட்டியலில் இடம்பிடித்த ஒரே நடிகை என்ற பெருமையைப் பெற்றுள்ளார் நடிகை சாய் பல்லவி.

பல்வேறு துறைகளில் பிரபலமாகத் திகழும் 30 வயதுக்குள் இருக்கும் டாப் இந்தியர்களின் பட்டியலை ஃபோர்ப்ஸ் வெளியிட்டது.

இதையடுத்து இந்தப் பட்டியலில் பொழுதுபோக்கு துறையில் இடம்பிடித்த ஒரே நடிகை என்ற பெருமையை சாய் பல்லவி பெற்றிருக்கிறார்.

'கணக்கு வகுப்பிலிருந்து தப்பிக்க ஆறாம் வகுப்பு படிக்கும்போது தனது முதல் படத்தில் நடித்தவர் சாய்பல்லவி. தமிழ், மலையாளம், தெலுங்கு மொழிகளில் பல மறக்க முடியாத கதாபாத்திரங்களில் நடித்துள்ள இவர், தற்போது புதுமையான கேரக்டர்களில் நடிப்பதில் கவனம் செலுத்தி வருகிறார்' என்று ஃபோர்ப்ஸில் சாய் பல்லவி பற்றி குறிப்பு கொடுத்துள்ளனர்.

தமிழ், தெலுங்கு, மலையாள மொழிப் படங்களில் வித்தியாசமான கதைகளையும், கதாபாத்திரங்களையும் தேர்வு செய்து நடித்து வரும் இவர் தனது குறுப்புத்தனமான நடிப்பு, நடனம் போன்றவற்றால் ரசிகர்களைக் கவர்ந்துள்ளார்.

இந்தப் பட்டியலில் இடம்பிடித்தது பற்றி சாய் பல்லவி கூறியதாவது:

மிகவும் சந்தோஷமாக உணர்கிறேன். எனக்கு நடிப்பு பற்றி ஒன்றுமே தெரியாது. அதுமட்டுமல்லாமல் பாதுகாப்பின்மையாக உணர்ந்த எனக்கு ரசிகர்கள தந்த ஆதரவும் தன்னம்பிகையை ஏற்படுத்தியது.

தைரியம், தன்னம்பிக்கை பெண்களை பார்த்தால் அவரை என்னொடு தொடர்புபடுத்திக்கொள்வேன் என்றார்.

தற்போது சேகர் கம்முலா இயக்கத்தில் தெலுங்கில் உருவாகி வரும் லவ் ஸ்டோரி படத்தில் நாக சைதன்யாவுக்கு ஜோடியாக நடித்து வருகிறார் சாய் பல்லவி. இந்தப் படம் ஏப்ரல் மாதம் திரைக்கு வருகிறது.