ஷங்கர் இயக்கத்தில், ரஜினி நடிப்பில் உருவான சிவாஜி திரைப்படம் வெளியாகி இன்றுடன் (ஜூன்.15) 14 ஆண்டுகள் நிறைவடைந்து விட்டது. ஏவிஎம் நிறுவனம் தயாரித்த இந்தப் படத்திற்கு ஏ.ஆர்.ரஹ்மான் இசையமைத்திருந்தார். இதில், ரஜினியுடன் ஸ்ரேயா, விவேக், மணிவண்ணன், வடிவுக்கரசி, பட்டிமன்ற புகழ் சாலமன் பாப்பையா, ராஜா உள்ளிட்ட பலர் நடித்திருந்தனர்.
ஷங்கர் - ரஜினியின் மாபெரும் கூட்டணியில் உருவான இந்தப்படம், ரசிகர்கள் மத்தியில் விமர்சன ரீதியாகவும் வசூல்ரீதியாகவும் நல்ல வரவேற்பபை பெற்றது. இந்தியாவில் இருக்கும் கறுப்பு பணத்தை ஒழித்து இந்தியாவை வல்லரசு நாடுகளில் ஒன்றாக மாற்ற வேண்டும் என்ற ஒருவரி கதையை, ஷங்கர் தனது பாணியில் திரைக்கதை எழுதி இயக்கியிருப்பார். இந்தப் படத்தின் மற்றொரு சிறப்பு அம்சம் கே.வி.ஆனந்தின் ஒளிப்பதிவு. காட்சிக்குக் காட்சி திரையில் அவரின் ஒளிப்பதிவு, ரஜினியின் ஸ்டைலை இன்னும் ஒரு படிக்கு மேலே கொண்டுபோய் ரசிகர்களிடையே சேர்த்தது.