'தன்ஹாஜி' படத்தையடுத்து ஓம் ராவத் இயக்கத்தில் உருவாகிவரும் திரைப்படம், 'ஆதிபுருஷ்'. 'ராமாயணம்' கதையின் ஒரு பகுதியைப் படமாக்கும் இதில் ராமராக பிரபாஸும், ராவணனாக சைஃப் அலிகானும் நடிக்கின்றனர்.
தமிழ், தெலுங்கு, இந்தி, மலையாளம் ஆகிய மொழிகளில் தயாராகும் 'ஆதிபுருஷ்', மிக பிரமாண்டமாக 3டி தொழில்நுட்பத்தில் தயாராகிறது. இப்படம் இந்தாண்டு பிப்ரவரி மாதம் தொடங்கிய நிலையில், கரோனா ஊரடங்கு காரணமாக நிறுத்தி வைக்கப்பட்டிருந்தது.
இதையடுத்து ஜூலை மாதம் மீண்டும் படப்பிடிப்பை ஆதிபுருஷ் படக்குழு ஆரம்பித்தது. படத்தில் சைஃப் அலிகான் 'லங்கேஷ்' கதாபாத்திரத்தில் நடிக்கிறார். இவரின் இந்த கதாபாத்திரம் தற்போது முழுமையாக முடிவடைந்துள்ளது. இதனையடுத்து படக்குழு அவருக்கு பிரியாவிடை கொடுத்துள்ளது. அப்போது எடுத்த புகைப்படங்களை இயக்குநர் ஓம் ராவத் தனது சமூகவலைதளப் பக்கத்தில் பதிவிட்டுள்ளார்.