நடிகர் விஷாலின் விஷால் ஃபிலிம் பேக்டரி சார்பில் அறிமுக இயக்குநர் து.ப. சரவணன் இயக்கிவரும் திரைப்படம் 'வீரமே வாகை சூடும்'.
இப்படத்தில் விஷாலுடன் டிம்பிள் ஹயாதி, யோகிபாபு, மாரிமுத்து, துளசி, கவிதா பாரதி, ரவீனா, மரியம் ஜார்ஜ் உள்ளிட்டோர் முக்கியக் கதாபாத்திரத்தில் நடிக்கின்றனர். கவின் ராஜ் ஒளிப்பதிவு செய்ய யுவன் சங்கர் ராஜா இசையமைக்கிறார்.
அதிகார பலம் படைத்தவர்களை எதிர்கொள்ளும் சாமானியன் ஒருவனின் கதையில் விஷாலின் மாறுபட்ட நடிப்பில் 'வீரமே வாகை சூடும்' திரைப்படம் உருவாகியுள்ளது. இப்படத்தின் படப்பிடிப்பு ஹைதராபாத்திலும் சென்னையிலும் நடைபெற்றுவந்தது.
இப்படத்தின் படப்பிடிப்பு நிறைவடைந்து தற்போது படக்குழு இறுதிகட்ட பணிகளில் ஈடுபட்டுள்ளது. இதையடுத்து 'வீரமே வாகை சூடும்' திரைப்படத்தை 2022ஆம் ஆண்டு ஜனவரி 26ஆம் தேதி வெளியிட படக்குழு திட்டமிட்டிருப்பதாகத் தகவல்கள் வெளியாகியுள்ளன.
இதையும் படிங்க: இறுதிக்கட்ட படப்பிடிப்பில் வீரமே வாகை சூடும்!
