ரஜினிகாந்த் தற்போது சிறுத்தை சிவா இயக்கும் 'அண்ணாத்த' படத்தில் நடித்து வருகிறார். 'தலைவர் 168' என்ற பெயருடன் ஆரம்பிக்கப்பட்ட இப்படம், சமீபத்தில் இதன் தயாரிப்பு நிறுவனமான சன் பிக்சர்ஸ் தனது ட்வீட்டர் பக்கத்தில் அண்ணாத்த என்னும் தலைப்பை மோஷன் போஸ்டராக வெளியிட்டது.
இந்த போஸ்டர் சமூகவலைதளத்தில் வைரலானது. பொதுவாக ரஜினியின் படத்தில் ரஜினியின் இன்ட்ரோ சீனும் தீம் மியூசிக்கும் மிகவும் முக்கியமானதாகும். இந்த படத்தின் மோஷன் போஸ்டரின் பின்னணி இசை ரசிகர்களை வெகுவாக கவர்ந்தது. தற்போது மோஷன் போஸ்டரில் பிளே ஆன பின்னணி இசையை ரசிகர்களுக்கு படத்தின் இசையமைப்பாளர் டி. இமான் தனது சமூகவலைதளத்தில் வாசித்து காண்பித்துள்ளார். அந்த வீடியோவில், கீபோர்டை மட்டும் வைத்து வாசித்து காண்பித்துள்ளார். இந்த வீடியோவை பார்த்த ரசிகர்கள் வியப்பும் ஆச்சிரியமும் அடைந்து வைரலாக்கி வருகின்றனர்.