சன் பிக்சர்ஸ் தயாரிப்பில் சிவா இயக்கத்தில் ரஜினிகாந்த் நடிப்பில் உருவாகிவரும் படம் 'அண்ணாத்த'. இப்படத்தில் குஷ்பூ, மீனா, கீர்த்தி சுரேஷ், சூரி உள்ளிட்டோர் நடித்துள்ளனர். இமான் இசை அமைக்கிறார். கரோனா காரணமாக நிறுத்தப்பட்டிருந்த படப்பிடிப்பு கடந்தாண்டு டிசம்பர் மாதம் ஹைதராபாத்தில் தொடங்கப்பட்டது.
அப்போது படக்குழுவினர் சிலருக்கு கரோனா தொற்று ஏற்பட்டதால் நிறுத்தப்பட்டது. அதனைத் தொடர்ந்து ரஜினிக்கும் உடல்நிலை பாதிப்பு காரணமாக மருத்துவமனையில் அனுமதி, அரசியல் பிரவேசம் உள்ளிட்டவைகளால் படப்பிடிப்பு முற்றிலும் நிறுத்திவைக்கப்பட்டது.