வாஷிங்டன்:நாட்டின் 76ஆவது சுதந்திர தினம் கொண்டாடப்பட்டுவருகிறது. பல்வேறு உலக தலைவர்கள் தங்களது வாழ்த்து செய்தியை தெரிவித்துவருகின்றனர். அந்த வகையில் அமெரிக்க அதிபர் ஜோ பைடன் தனது வாழ்த்துகளை தெரிவித்துகொண்டார். அந்த வாழ்த்து செய்தியில், "சுதந்திரமான இந்தோ-பசிபிக் நாடுகளின் ஒற்றுமைக்காகவும், ஒத்துழைப்புக்காகவும் இந்தியாவுடன் அமெரிக்கா துணை நிற்கும். அமெரிக்காவுக்கு இந்தியா மிக நெருக்கமான கூட்டாளி நாடாகும்.
இரு நாடுகளுக்கிடையேயான கூட்டாண்மையானது அந்தந்த நாட்டு மக்களிடையே உள்ள ஆழமான பிணைப்பால் வலுப்பெற்றுள்ளது. கிட்டத்தட்ட 40 லட்சம் இந்திய-அமெரிக்கர்கள் உள்பட உலகம் முழுவதும் உள்ள இந்தியர்கள் தங்களது சுதந்திர தினத்தை கொண்டாடும் நேரத்தில், அந்நாட்டின் ஜனநாயகப் பயணத்தை கௌரவிக்க அமெரிக்கா இணைகிறது.