விண்வெளியில் உள்ள செயற்கைகோள்களை தாக்கும் விதமான ஆயுதங்களை ரஷ்யா பரிசோதனை செய்ததாக அமெரிக்கா குற்றஞ்சாட்டியுள்ளது. அமெரிக்காவின் விண்வெளி பாதுகாப்புத்துறையின் கமாண்டர் ஜான் ரேமண்ட் இந்த விவகாரம் குறித்து பேசியுள்ளார்.
அதில், அமெரிக்க அரசின் செயற்கைக்கோளுக்கு அருகே, செயற்கைக் கோளை அழிக்கும் விதமான ஆயுதங்களை ரஷ்யா பரிசோதனை செய்துள்ளது. இது போன்ற பரிசோதனை ஆபத்தானது. இது போன்ற சோதனை முயற்சியில் ஈடுபடுவதன் மூலம் அமெரிக்கா மற்றும் அதன் கூட்டணி நாடுகளை அச்சுறுத்தும் செயலில் ரஷ்யா ஈடுபடுவதாக குற்றஞ்சாட்டியுள்ளார்.