நந்தா, பிதாமகன் ஆகிய படங்களுக்கு பிறகு பாலா இயக்கத்தில் நடிகர் சூர்யா நடித்து வந்த திரைப்படம் ‘வணங்கான்’. இந்த திரைப்படத்தை சூர்யாவின் 2டி நிறுவனம் தயாரித்தது. இதன் படப்பிடிப்பு தொடங்கி சில நாட்கள் நடைபெற்று வந்த நிலையில் கதையில் சில மாற்றங்கள் செய்ய வேண்டும் என்பதற்காக படப்பிடிப்பு ஒத்திவைக்கப்பட்டது.
இந்நிலையில் இயக்குனர் பாலா வணங்கான் படத்திலிருந்து சூர்யாவை விலகச் சொன்னதாக அறிக்கை ஒன்றை வெளியிட்டுள்ளார். அந்த அறிக்கையில் "என் தம்பி சூர்யாவுடன் இணைந்து 'வணங்கான்' என்ற புதிய திரைப்படத்தை இயக்க விரும்பினேன். ஆனால், கதையில் நிகழ்ந்த சில மாற்றங்களினால், இந்தக் கதை சூர்யாவுக்கு உகந்ததாக இருக்குமா என்கிற ஐயம் தற்போது எனக்கு ஏற்பட்டுள்ளது.
என் மீதும் இந்தக் கதையின் மீதும் முழு நம்பிக்கையுடன் இருக்கிறார் சூர்யா. இவ்வளவு அன்பும் மதிப்பும் நம்பிக்கையும் வைத்திருக்கும் என் தம்பிக்கு, ஒரு அண்ணனாக என்னால் ஒரு சிறு தர்மசங்கடம் கூட நேர்ந்துவிடக் கூடாது என்பது என் கடமையாகவும் இருக்கிறது.