சென்னை: நடிகர் ஆர்.ஜே.பாலாஜி தனியார் ரேடியோவில் ஆர்ஜே வாக இருந்து சுந்தர்.சி இயக்கத்தில் சித்தார்த் நடித்த 'தீயா வேலை செய்யனும் குமாரு' படத்தின் மூலம் நடிகராக அறிமுகமானார். அதனைத் தொடர்ந்து, ஏராளமான படங்களில் நகைச்சுவை வேடங்களில் நடித்திருந்தார்.
அவரது வேகமான வசன உச்சரிப்பு ரசிகர்களைக் கவர்ந்தது. அதனைத் தொடர்ந்து 'எல்கேஜி' என்ற படத்தில் கதை நாயகனாக நடித்தார். பின்னர், மூக்குத்தி அம்மன், வீட்ல விசேஷம் ஆகிய படங்களில் இணை இயக்குநராக பணியாற்றினார். இவரது இயக்கத்தில் கடைசியாக 'ரன் பேபி ரன்' என்ற படம் வெளியானது.
இந்த நிலையில், இதற்கு தானே ஆசைப்பட்டாய் பாலகுமாரா, காஷ்மோரா படங்களை இயக்கிய கோகுல் இயக்கத்தில் ஆர்.ஜே.பாலாஜி 'சிங்கப்பூர் சலூன்' என்ற படத்தில் நடித்துள்ளார். எல்.கே.ஜி, மூக்குத்தி அம்மன், வீட்டில் விசேஷம், ரன் பேபி ரன் படங்களை தொடர்ந்து ஆர்.ஜே.பாலாஜி நாயகனாக நடித்துள்ள திரைப்படம் சிங்கப்பூர் சலூன்.