சென்னை:வண்ணாரப்பேட்டை காட்படா பகுதியில் ஆயிரத்திற்கும் அதிகமான குடியிருப்புகள் உள்ளன. இந்நிலையில் கடந்த சில நாள்களுக்கு முன்பு பெய்த மழையால் சாலைகளில் மழைநீர் தேங்கியுள்ளது. மேலும் மழைநீரில் கழிவுநீர் கலந்து துர்நாற்றம் வீச தொடங்கியுள்ளது.
இதனைத்தொடர்ந்து மழை நின்று சில தினங்கள் ஆன நிலையில் இன்னும் மழைநீரும், கழிவு நீரும் சாலைகளில் தேங்கியிருப்பதால் அதனை கண்டித்தும், உடனடியாக மழைநீரை அகற்ற நடவடிக்கை எடுக்கக்கோரியும் அப்பகுதி மக்கள் 200திற்க்கும் மேற்பட்டோர் வண்ணாரப்பேட்டை வள்ளலார் நகர் பேருந்து நிலையம் முன்பாக திடீர் சாலைமறியலில் ஈடுபட்டனர்.
இதனையடுத்து, தகவலறிந்து சம்பவ இடத்திற்கு விரைந்த ராயபுரம் காவல் துறையினரும், மாநகராட்சி அலுவலர்களும் மறியலில் ஈடுபட்டவர்களிடம் சமரச பேச்சு வார்த்தையில் ஈடுபட்டனர். ஆனால் மறியலை கைவிட பொதுமக்கள் மறுத்துவிட்டனர்.