சென்னை:மத்திய போதைப்பொருள் தடுப்புப் பிரிவு சென்னை மண்டல அதிகாரிகளுக்கு கடந்த 2017ஆம் ஆண்டு கிடைத்த ரகசிய தகவலின் அடிப்படையில், கஞ்சா விற்பனையில் ஈடுபட்ட மதுரையைச் சேர்ந்த பாக்கியம், திருமுருகன் மற்றும் பாலமுருகன் ஆகிய மூவரை சென்னையில் கைது செய்து, அவர்களிடமிருந்து சுமார் 147 கிலோ கஞ்சாவை பறிமுதல் செய்தனர்.
இது தொடர்பான வழக்கு விசாரணை போதைப்பொருள் தடுப்பு சிறப்பு நீதிமன்றத்தில் நடைபெற்று வந்தது. இந்நிலையில் இந்த வழக்கில் கஞ்சா விற்பனையில் ஈடுபட்டு கைது செய்யப்பட்ட மூவரும் குற்றவாளிகள் என தீர்ப்பளிக்கப்பட்டது.