கட்வால் : தெலங்கானா மாநிலம் ஐதராபாத்தில் இருந்து ஆந்திரா சித்தூர்க்கு 50 பயணிகளுடன் தனியார் ஆம்னி பேருந்து சென்று கொண்டு இருந்தது. ஜொகுலம்பா கட்வாலா மாவட்டம் அடுத்த ஐதராபாத் - பெங்களூரு தேசிய நெடுஞ்சாலை எரவள்ளி கிராஸ் ரோடு அருகே சென்று கொண்டு இருந்த ஆம்னி பேருந்து திடீரென விபத்துக்குள்ளானது.
விபத்துக்குள்ளான பேருந்தில் திடீரென தீப்பற்றிய நிலையில், அதில் இருந்த பயணிகள் அலறி துடித்து உள்ளனர். பேருந்தின் ஜன்னல்களை உடைத்து பயணிகள் வெளியேறி உள்ளனர். இதில் ஜன்னலை உடைத்து வெளியேற முடியாமல் போன பெண் பயணி ஒருவர் தீயில் கருகி பரிதாபமாக உயிரிழந்தார்.
இந்த சம்பவம் குறித்து தகவல் அறிந்து வந்த தீயணைப்புட் துறையினர் நீண்ட போராட்டத்திற்கு பின்னர் தீயை முழுமையாக கட்டுக்குள் கொண்டு வந்தனர். இருப்பினும் அதற்குள் பேருந்து தீயில் கருகி எலும்புக் கூடு போல் மாறியது. இந்த கோர விபத்தில் மேலும் 4 பேர் தீக்காயம் அடைந்ததாக தெரிவிக்கப்பட்டு உள்ளது.