தமிழ்நாட்டின் வளர்ச்சிக்காக தொடர்ந்து பணியாற்ற வேண்டும் : ஸ்டாலினுக்கு பிரதமர் மோடி பிறந்தநாள் வாழ்த்து

முதலமைச்சர்  ஸ்டாலினை தொலைப்பேசியில் தொடர்பு கொண்டு பிறந்தநாள் வாழ்த்துக்களைத் தெரிவித்த பிரதமர் மோடி, தமிழ்நாட்டின் வளர்ச்சிக்காக நீங்கள் தொடர்ந்து பணியாற்ற வேண்டும் என்று கூறியுள்ளார்.

டெல்லி: திமுக தலைவரும் முதலமைச்சருமான ஸ்டாலின் இன்று (மார்ச் 1) தனது 69வது பிறந்தநாளை கொண்டாடுகிறார். இதையொட்டி அவருக்கு பல்வேறு அரசியல் கட்சி தலைவர்கள், திமுக தொண்டர்கள், திரையுலக பிரபலங்கள் என்று பலரும் ட்விட்டரில் வாழ்த்து தெரிவித்து வருகின்றனர்.

இதனிடையே, மு.க.ஸ்டாலின் முதலமைச்சர் பதவியேற்ற பின் கொண்டாடும் முதல் பிறந்தநாளை முன்னிட்டு முதலமைச்சரை தொலைப்பேசியில் தொடர்பு கொண்ட பிரதமர் நரேந்திர மோடி தமது பிறந்தநாள் வாழ்த்துகளைத் தெரிவித்தார்.

முதலமைச்சர் ஸ்டாலினுக்கு பிரதமர் மோடி பிறந்தநாள் வாழ்த்து

தனது வாழ்த்து செய்தியில் அவர், தமிழ்நாட்டின் வளர்ச்சிக்காக நீங்கள் தொடர்ந்து பணியாற்ற வேண்டும் என்றும், தங்களின் ஒத்துழைப்புடன் நான் தொடர்ந்து தமிழ்நாட்டின் வளர்ச்சிக்காக உழைப்பேன் எனவும் பிரதமர் மோடி கூறியுள்ளார்.