புது டெல்லி: ஒலிம்பிக் சாம்பியனான ஈட்டி எறிதல் வீரர் நீரஜ் சோப்ராவுக்கு கடந்த மாதம் இடுப்பு வலி ஏற்பட்டது. இந்த காயம் இங்கிலாந்தின் பர்மிங்ஹாமில் நடைபெற்ற காமன்வெல்த் போட்டி தொடங்கும் இரண்டு நாட்களுக்கு முன்பு ஏற்பட்டதால், காமன்வெல்த் போட்டியில் இருந்து நீரஜ் சோப்ரா வெளியேறினார்.
இந்நிலையில் ஆகஸ்ட் 26 ஆம் தேதி முதல் சுவிட்சர்லாந்தின் லாசனில் நடைபெறவுள்ள டயமண்ட் லீக் இறுதி போட்டிக்கான தரவரிசையில், தடகள வீரர் நீரஜ் சோப்ரா நான்காவது இடத்தைப் பிடித்துள்ளார். இதனால் நீரஜ் சோப்ரா செப்டம்பர் 7 மற்றும் 8 ஆம் தேதிகளில் சூரிச்சில் நடைபெறும் டயமண்ட் லீக் இறுதிப் போட்டியில் பங்கேற்கவுள்ளது உறுதி செய்யப்பட்டுள்ளது.