ராஜஸ்தான்:பிவாடியைச் சேர்ந்த அஜித் சிங், சுமன் என்ற பெண்ணை 9 ஆண்டுகளுக்கு முன் காதல் திருமணம் செய்து கொண்டார். திருமணத்திற்குப் பிறகு இருவருக்கும் இடையே அவ்வப்போது சண்டை ஏற்பட்டு வந்த நிலையில், அண்மைக்காலமாக சுமன், தன் பெயரில் வீடு வாங்கி தரச்சொல்லி தினமும் கணவரை வற்புறுத்தி உள்ளார்
கையில் கிடைக்கும் பொருட்களை கொண்டு தினம்தோறும் தாக்கியுள்ளார் சுமன். அடிக்கடி இரும்புக்கருவிகளாலும் கூட இரக்கமில்லாமல் அடித்து வந்ததாக கூறப்படுகிறது. பள்ளியில் ஆசிரியராகப் பணிபுரியும் அஜித் சிங், ’எங்கு இதை வெளியே சொன்னால் அது மாணவர்களிடம் மீது எதிர்மறையான விளைவை ஏற்படுத்துமோ’ எனக் கருதி கண்ணியத்தை தக்க வைத்துக் கொள்ள, மனைவியின் அத்துமீறலைப் பொறுத்துக் கொண்டார். இது அவரது மனநிலையையும் பாதித்துள்ளது.