பாகிஸ்தானுக்கும் இந்தியாவுக்கும் இடையே போர் நிறுத்த ஒப்பந்தம் அமலில் இருந்தாலும், பாகிஸ்தான் பாதுகாப்பு படைகள் அத்துமீறி இந்திய படைகள் மீது தாக்கல் நடத்துவதை வாடிக்கையாகக் கொண்டுள்ளன. அதற்கு இந்திய படைகளும் அவ்வப்போது பதிலடி கொடுத்துவருகின்றன.
இந்நிலையில், ஜம்மு-காஷ்மீரின் ராஜோரி, பூஞ்ச், கத்துவா மாவட்டங்களில் பாகிஸ்தான் பாதுகாப்பு படையினர் புதன்கிழமை இரவு, சிறிய மற்றும் கனரக ஆயுதங்களை பயன்படுத்தி தாக்குதல் நடத்தினர். மேலும், எல்லையிலிருந்த இந்திய வீரர்கள் மீது துப்பாக்கிச் சூடும் நடத்தினர்.