தேனி: 18வது நாடாளுமன்ற தேர்தல் வருகின்ற ஏப்ரல் 19ஆம் தேதி தமிழகம் மற்றும் புதுச்சேரியில் உள்ள 40 தொகுதிகளிலும் ஒரே கட்டமாக நடைபெற உள்ளது. இதற்கான வேட்புமனு தாக்கல் முடிவடைந்து அனைத்து கட்சியினரும் அனைத்து தொகுதிகளிலும் பிரச்சாரம் மேற்கொண்டு வருகின்றனர்.
இந்த நிலையில், தேனி நாடாளுமன்றத் தொகுதியில் நாம் தமிழர் கட்சி சார்பில் போட்டியிடும் மதன் ஜெயபாலனை ஆதரித்து அக்கட்சியின் ஒருங்கிணைப்பாளர் சீமான் பிரச்சாரம் மேற்கொண்டார். தேனி அல்லிநகரம் பகுதியில் வாகன பிரச்சாரத்தில் ஈடுபட்ட அவர் வேட்பாளரை ஆதரித்து பேசினார்.
அப்போது பேசிய அவர், "டிடிவி தினகரன் தேனி தொகுதியில் இவ்வளவு சிரமபட்டு என்ன செய்ய போகிறார். உங்களையும், சசிகலாவையும் சிறையில் வைத்தது குறித்து நாங்கள் வருத்தப்படுகிறோம். ஆனால், நீங்கள் பாஜக நல்லாட்சி தருகிறது என்று பிரச்சாரம் செய்து வருகிறீர்கள்.