"நாடாளுமன்ற தேர்தலில் 40 தொகுதிகளிலும் திமுக வெற்றி பெறும்" - முன்னாள் அமைச்சர் பொன்முடி!

Former Minister Ponmudi: வருகின்ற நாடாளுமன்ற தேர்தலில் தமிழகம், புதுச்சேரி உட்பட 40 இடங்களிலும் திமுக வெற்றி பெறும் என முன்னாள் அமைச்சர் பொன்முடி தெரிவித்துள்ளார்.

விழுப்புரம்:தமிழகம் முழுவதும் நாடாளுமன்ற தேர்தலை ஒட்டி பரப்புரை கூட்டம் நடைபெறும் என திமுக அறிவித்திருந்தது. இந்த நிலையில், விழுப்புரம் புதிய பேருந்து நிலையம் அருகில் விழுப்புரம் நாடாளுமன்ற தொகுதி பரப்புரை கூட்டம் இன்று (பிப்.16) நடைபெற்றது. இந்த கூட்டத்தில் திமுக அமைப்பு செயலாளர் ஆர்.எஸ்.பாரதி கலந்து கொண்டு பேசினார்.

இதற்கிடையில் பொதுக் கூட்டம் நடைபெறும் இடத்தை முன்னாள் அமைச்சர் பொன்முடி பார்வையிட்டார். அப்போது செய்தியாளர்களை சந்தித்து பேசிய அவர், "தமிழக முதலமைச்சர் கூறிவது போல வருகின்ற நாடாளுமன்ற தேர்தலில் தமிழகம், புதுச்சேரி உள்ளிட்ட 40 தொகுதிகளில் திமுக நிச்சயமாக அமோக வெற்றி பெறும்.

கடந்த 10 ஆண்டுகளாக பாஜகவின் துயரங்களையும், அதிமுக ஆட்சியில் ஏற்பட்ட குறைபாடுகளையும் எடுத்துரைக்கும் வண்ணம் அமைப்பு செயலாளர் ஆர்.எஸ். பாரதி இந்த கூட்டத்தில் உரை நிகழ்த்த உள்ளார். மேலும், இந்த கூட்டத்தை வாக்குச்சாவடி முகவர்கள் மற்றும் இளைஞர் அணி மாணவர் அணி உள்ளிட்டோர் ஏற்பாடு செய்திருந்தனர்" எனத் தெரிவித்தார்.

இதையும் படிங்க:நெல்லை மக்களவை தொகுதியில் நயினார் நாகேந்திரன் போட்டியா? திடீர் டெல்லி பயணத்தின் பின்னணி என்ன?