மும்பை: தி கோட் படத்தில் இறுதி கட்ட பணிகள் வேகமாக நடைபெற்று வருகின்றன. இந்நிலையில், இந்த படத்தில் இடம் பெறும் ஒரு பாடலில் விஜய்யோடு இணைந்து தெலுங்கு நடிகை ஸ்ரீ லீலாவை ஆட வைக்க படக்குழு அவரை அணுகியதாக கூறப்படுகிறது. இதில், தமிழில் முதல் முறையாக அறிமுகமாவது என்பதால் கதாநாயகியாக இருக்க வேண்டும் என்று கருதி அந்த வாய்ப்பை ஸ்ரீ லீலா நிராகரித்ததாக தகவல் கூறப்படுகிறது.
நடிகர் விஜயின் 68வது படமான தி கோட் படத்தை வெங்கட் பிரபு இயக்குகிறார். அண்மையில் கோட் படத்தின் விசில் போடு பாடல் வெளியாகி பட்டித் தொட்டி எங்கும் பரவி கலவையான விமர்சனங்களை பெற்றது. விநாயகர் சதூர்த்தியை முன்னிட்டு செப்டம்பர் 5ஆம் தேதி தி கோட் படத்தை ரிலீஸ் செய்ய படக்குழு திட்டமிட்டு உள்ளது.
இந்த படத்தில் விஜய் இரட்டை வேடத்தில் நடிக்கிறார். அப்பா, மகன் என இரண்டு கதாபாத்திரங்களில் அவர் நடிப்பதாக கூறப்படுகிறது. இது தவிர்த்து மறைந்த நடிகர் விஜயகாந்தை இந்த படத்தில் ஏஐ தொழில்நுடபத்தின் மூலம் கொண்டு வர படக்குழு திட்டமிட்டு உள்ளது. இது தவிர கோட் படத்தில் நடிகர்கள் பிரசாந்த், பிரபுதேவா, அஜ்மல், மீனாட்சி சவுத்ரி, மோகன், ஜெயராம், சிநேகா, லைலா, அமீர் உள்ளிட்ட ஒரு நட்சத்திர பட்டாளமே நடித்து உள்ளது.