ஹைதராபாத்: இந்த மகளிர் தினத்தில், புரோ கபடி தபாங் டெல்லி அணியின் உரிமையாளராக விளங்கும், ராதா கபூரின் பயணத்தை பார்ப்போம். கபடி லீக் அணியின் முதல் பெண் உரிமையாளரான ராதா கபூர், நியூயார்க்கில் தனது பட்டப்படிப்பை முடித்துள்ளார். இதற்குப் பிறகு, அவர் வடிவமைப்பு துறையில் தனது வாழ்க்கையைத் தொடங்கிய அவர், இத்துறையில் சிறப்பாக செயல்பட்ட பிறகு விளையாட்டுத் துறைக்கு பயணித்தார்.
கபடி லீக் டெல்லி அணியின் முதல் பெண் உரிமையாளரான ராதா கபூர் கூறுகையில், “கபடி ஒரு இந்திய விளையாட்டு. இந்தியாவின் பாரம்பரியத்தை வெளிப்படுத்த ஒரு சிறந்த தளமாகும். கபடியை உலக அளவில் எடுத்துச் செல்வது எப்படியென்று நாம் சிந்திக்க வேண்டும். நாட்டில் திறமையானவர்கள் நிறைய பேர் உள்ளனர். இன்றைய பெண்கள் எல்லா துறைகளிலும் முன்னணியில் இருக்கிறார்கள்.
ஆனால், ஆண்களுடன் ஒப்பிடும்போது பெண்கள் கபடி விளையாடுவது சற்று அரிதாகவே காணப்படுகிறது. கபடி என்பது ஆண்களுக்கான விளையாட்டாகவே பார்க்கப்படுகிறது. பெண்களுக்கு அங்கீகாரம் கிடைக்காத விளையாட்டாகவும் கபடி உள்ளது. கபடியில் ஆண், பெண் என்பது முக்கியமில்லை. என்ன பின்னணி என்பதும் முக்கியமில்லை, திறமையே முக்கியமாக பார்க்கப்படுகிறது. விளையாட்டுகளுக்கு அதிகாரம் அளிக்கும் சக்தியில், நான் எப்போதும் நம்பிக்கை வைத்திருக்கிறேன்.