ਪਟਿਆਲਾ: ਸਰਕਾਰੀ ਰਾਜਿੰਦਰਾ ਹਸਪਤਾਲ (Government Rajindra Hospital) ਪਹੁੰਚੇ ਮੈਡੀਕਲ ਸਿੱਖਿਆ ਖੋਜ ਮੰਤਰੀ ਰਾਜ ਕੁਮਾਰ ਵੇਰਕਾ ਵੱਲੋਂ ਆਕਸੀਜਨ ਪਲਾਂਟ ਅਤੇ ਪਾਰਕਿੰਗ ਅਤੇ ਨਵੀਂ ਬਿਲਡਿੰਗ ਲੈਬ ਦਾ ਉਦਘਾਟਨ ਕੀਤਾ ਗਿਆ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਐਸਪੀ ਓਬਰਾਏ ਅਤ ਸਾਬਕਾ ਮੰਤਰੀ ਸਾਧੂ ਸਿੰਘ ਧਰਮਸੋਤ ਵੀ ਸ਼ਾਮਿਲ ਹੋਏ।
ਇਸ ਮੌਕੇ ਰਾਜਕੁਮਾਰ ਵੇਰਕਾ ਦੇ ਵੱਲੋਂ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ (Former Chief Minister Capt. Amarinder Singh) ਅਤੇ ਕੇਜਰੀਵਾਲ (Kejriwal) ’ਤੇ ਸਾਧਿਆ ਨਿਸ਼ਾਨਾ ਸਾਧਿਆ ਗਿਆ ਹੈ। ਰਾਜ ਕੁਮਾਰ ਵੇਰਕਾ ਵੱਲੋਂ ਕੈਪਟਨ ਅਮਰਿੰਦਰ (Capt. Amarinder) ਦੀ ਨਵੀਂ ਪਾਰਟੀ ਬਣਾਉਣ ’ਤੇ ਕਿਹਾ ਗਿਆ ਹੈ ਕੈਪਟਨ ਨੂੰ ਪਤਾ ਹੈ ਕਿ ਕਾਂਗਰਸ ਬਿਨਾਂ ਗਤੀ ਨਹੀਂ ਹੈ ਇਸ ਕਰਕੇ ਕੈਪਟਨ ਨੇ ਕਾਂਗਰਸ ਪਾਰਟੀ ਦੇ ਨਾਮ ਮਿਲਦਾ ਆਪਣੀ ਪਾਰਟੀ ਦਾ ਨਾਮ ਰੱਖਿਆ ਹੈ। ਉਨ੍ਹਾਂ ਕਿਹਾ ਕਿ ਕੈਪਟਨ ਦਰਦ ਸਾਫ ਝਲਕ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਜੇ ਕੈਪਟਨ ਬੀਜੇਪੀ ਦੇ ਵਿੱਚ ਜਾਣਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਕੋਈ ਉਸੇ ਤਰ੍ਹਾਂ ਦਾ ਹੀ ਪਾਰਟੀ ਦਾ ਨਾਮ ਰੱਖਣਾ ਚਾਹੀਦਾ ਸੀ। ਇਸ ਮੌਕੇ ਵੇਰਕਾ ਨੇ ਕਿਹਾ ਕਿ ਸਾਂਸਦ ਪਰਨੀਤ ਕੌਰ ਵੱਲੋਂ ਅਜੇ ਤੱਕ ਨੋਟਿਸ ਦਾ ਜਵਾਬ ਨਹੀਂ ਦਿੱਤਾ ਗਿਆ ਹੈ।
ਡਰੱਗਜ ਮਾਮਲੇ ਤੇ ਨਵਜੋਤ ਸਿੰਘ ਸਿੱਧੂ ਵੱਲੋਂ ਭੁੱਖ ਹੜਤਾਲ ਰੱਖਣ ਦੇ ਐਲਾਨ ’ਤੇ ਰਾਜ ਕੁਮਾਰ ਵੇਰਕਾ ਨੇ ਕਿਹਾ ਰਿਪੋਰਟ ਹਾਈ ਕੋਰਟ (High Court) ਦੇ ਵਿੱਚ ਸੀਲ ਬੰਦ ਹੈ ਅਤੇ ਜਿਹੜੇ ਮੁਲਜ਼ਮ ਹਨ ਉਹ ਸਲਾਖਾਂ ਦੇ ਪਿੱਛੇ ਜਲਦ ਹੋਣਗੇ। ਉਨ੍ਹਾਂ ਨਾਲ ਹੀ ਕਿਹਾ ਕਿ ਇਹ ਰਿਪੋਰਟ ਜਿਸ ਨੇ ਵੀ ਦੇਖਣੀ ਹੈ ਉਹ ਅਪੀਲ ਦਾਇਰ ਕਰਕੇ ਰਿਪੋਰਟ ਦੀ ਕਾਪੀ ਲੈ ਸਕਦਾ ਹੈ।