ਨਵੀਂ ਦਿੱਲੀ:ਆਸਟ੍ਰੇਲੀਆ ਦੇ ਦਿੱਗਜ ਖੱਬੇ ਹੱਥ ਦੇ ਸਲਾਮੀ ਬੱਲੇਬਾਜ਼ ਵਾਰਨਰ ਦੇ ਸੰਨਿਆਸ ਤੋਂ ਬਾਅਦ ਆਸਟ੍ਰੇਲੀਆ 'ਚ ਓਪਨਿੰਗ ਲਈ ਸੰਘਰਸ਼ ਜਾਰੀ ਹੈ। ਇਹ ਵੀ ਕਿਆਸ ਲਗਾਏ ਜਾ ਰਹੇ ਹਨ ਕਿ ਸਟੀਵ ਸਮਿਥ ਨਾਲ ਆਸਟ੍ਰੇਲੀਆ ਦੀ ਓਪਨਿੰਗ ਕੀਤੀ ਜਾ ਸਕਦੀ ਹੈ। ਸਮਿਥ ਨੇ ਕਿਹਾ ਕਿ ਵਾਰਨਰ ਤੋਂ ਬਾਅਦ ਜੇਕਰ ਮੈਨੂੰ ਇਹ ਚੁਣੌਤੀ ਲੈਣ ਦੀ ਲੋੜ ਹੈ ਤਾਂ ਮੈਂ ਇਸ ਨੂੰ ਲੈਣ ਲਈ ਤਿਆਰ ਹਾਂ। ਉਸ ਨੇ ਕਿਹਾ ਕਿ ਜੇਕਰ ਟੀਮ ਅਤੇ ਚੋਣਕਾਰ ਇਸ ਨੂੰ ਲੈ ਕੇ ਉਤਸੁਕ ਹਨ ਤਾਂ ਉਹ ਚੋਟੀ ਦੇ ਕ੍ਰਮ 'ਤੇ ਜਾਣ 'ਚ ਦਿਲਚਸਪੀ ਰੱਖਦੇ ਹਨ ਅਤੇ ਉਹ ਓਪਨਿੰਗ ਕਰਕੇ ਖੁਸ਼ ਹੋਣਗੇ।
ਸਟੀਵ ਸਮਿਥ ਟੈਸਟ ਕ੍ਰਿਕਟ 'ਚ ਆਸਟ੍ਰੇਲੀਆ ਲਈ ਪਾਰੀ ਦੀ ਕਰ ਸਕਦੇ ਹਨ ਸ਼ੁਰੂਆਤ
Published : Jan 7, 2024, 2:29 PM IST
ਵਾਰਨਰ ਤੋਂ ਬਾਅਦ ਆਸਟਰੇਲੀਆ ਦਾ ਸ਼ਕਤੀਸ਼ਾਲੀ ਸੱਜੇ ਹੱਥ ਦਾ ਬੱਲੇਬਾਜ਼ ਸਟੀਵ ਸਮਿਥ ਓਪਨਿੰਗ ਕਰਨ ਲਈ ਬੇਤਾਬ ਹੈ। ਉਨ੍ਹਾਂ ਕਿਹਾ ਕਿ ਇਹ ਚੁਣੌਤੀਪੂਰਨ ਹੋਵੇਗਾ ਪਰ ਮੈਂ ਇਸ ਲਈ ਤਿਆਰ ਹਾਂ।
![ਸਟੀਵ ਸਮਿਥ ਟੈਸਟ ਕ੍ਰਿਕਟ 'ਚ ਆਸਟ੍ਰੇਲੀਆ ਲਈ ਪਾਰੀ ਦੀ ਕਰ ਸਕਦੇ ਹਨ ਸ਼ੁਰੂਆਤ Will Steve Smith open after David Warner's retirement?](https://etvbharatimages.akamaized.net/etvbharat/prod-images/07-01-2024/1200-675-20450654-445-20450654-1704617847833.jpg)
ਐਲੇਕਸ ਕੈਰੀ ਨੇ ਵਾਟਸਨ ਦਾ ਕੀਤਾ ਸਮਰਥਨ:ਇਸ ਤੋਂ ਪਹਿਲਾਂ ਆਸਟਰੇਲੀਆ ਦੇ ਸਾਬਕਾ ਬੱਲੇਬਾਜ਼ ਸ਼ੇਨ ਵਾਟਸਨ ਨੇ ਕਿਹਾ ਸੀ ਕਿ ਮੈਨੂੰ ਸਟੀਵ ਸਮਿਥ ਦਾ ਬੱਲੇਬਾਜ਼ੀ ਸ਼ੁਰੂ ਕਰਨ ਦਾ ਵਿਚਾਰ ਪਸੰਦ ਆਇਆ। ਉਹਨਾਂ ਕਿਹਾ ਸੀ ਕਿ ਉਸ ਕੋਲ ਤਕਨੀਕ ਹੈ ਅਤੇ ਉਸ ਨੂੰ ਚੁਣੌਤੀ ਦੀ ਲੋੜ ਹੈ। ਐਲੇਕਸ ਕੈਰੀ ਨੇ ਵੀ ਵਾਟਸਨ ਦਾ ਸਮਰਥਨ ਕੀਤਾ ਅਤੇ ਕਿਹਾ ਕਿ ਸਮਿਥ ਜਿੱਥੇ ਚਾਹੇ ਬੱਲੇਬਾਜ਼ੀ ਕਰ ਸਕਦਾ ਹੈ। ਇਸ ਮਹੀਨੇ ਦੇ ਅੰਤ ਵਿੱਚ ਵੈਸਟਇੰਡੀਜ਼ ਖਿਲਾਫ ਹੋਣ ਵਾਲੀ ਸੀਰੀਜ਼ ਵਿੱਚ ਵਾਰਨਰ ਦੀ ਥਾਂ ਕੈਮਰਨ ਬੈਨਕ੍ਰਾਫਟ, ਮਾਰਕਸ ਹੈਰਿਸ, ਕੈਮਰਨ ਗ੍ਰੀਨ ਅਤੇ ਮੈਟ ਸਮਿਥ ਦੇ ਆਉਣ ਦੀ ਉਮੀਦ ਹੈ। ਰੇਨਸ਼ਾ ਵਰਗੇ ਬੱਲੇਬਾਜ਼ਾਂ ਦੇ ਨਾਂ ਆਉਣ ਵਾਲੇ ਹਨ।
- T20 ਵਿਸ਼ਵ ਕੱਪ 2024 'ਚ ਰੋਹਿਤ ਤੇ ਵਿਰਾਟ 'ਚੋਂ ਕੌਣ ਕਰੇਗਾ ਵਾਪਸੀ , ਜਾਣੋ ਕਿਸ ਨੂੰ ਮਿਲੇਗਾ ਮੌਕਾ
- ਚੇਤੇਸ਼ਵਰ ਪੁਜਾਰਾ ਨੇ ਝਾਰਖੰਡ ਦੇ ਖਿਲਾਫ਼ ਜੜਿਆ ਦੋਹਰਾ ਸੈਂਕੜਾਂ, ਇੰਗਲੈਂਡ ਸੀਰੀਜ਼ ਤੋਂ ਪਹਿਲਾਂ ਪੇਸ਼ ਕੀਤੀ ਦਾਅਵੇਦਾਰੀ
- ਧੋਨੀ ਦੀ ਹੁੱਕਾ ਪੀਂਦੇ ਹੋਏ ਵੀਡੀਓ ਵਾਇਰਲ, ਪ੍ਰਸ਼ੰਸਕਾਂ ਨੇ ਟਰੋਲ ਕਰਨ ਵਾਲਿਆਂ ਨੂੰ ਦਿੱਤਾ ਕਰਾਰਾ ਜਵਾਬ
ਘਰੇਲੂ ਸੀਰੀਜ਼ ਖੇਡਣ ਜਾ ਰਿਹਾ: ਹੁਣ ਸਮਿਥ ਤੋਂ ਇਲਾਵਾ ਸਲਾਮੀ ਬੱਲੇਬਾਜ਼ ਦੇ ਤੌਰ 'ਤੇ ਮਾਰਨਸ ਲੈਬੁਸ਼ਗਨ ਦਾ ਨਾਂ ਵੀ ਪ੍ਰਮੁੱਖਤਾ ਨਾਲ ਲਿਆ ਜਾ ਰਿਹਾ ਹੈ। ਆਸਟ੍ਰੇਲੀਆ 17 ਜਨਵਰੀ ਤੋਂ ਵੈਸਟਇੰਡੀਜ਼ ਖਿਲਾਫ ਘਰੇਲੂ ਸੀਰੀਜ਼ ਖੇਡਣ ਜਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਵਾਰਨਰ ਨੇ ਪਾਕਿਸਤਾਨ ਦੇ ਖਿਲਾਫ 3 ਟੈਸਟ ਮੈਚਾਂ ਦੀ ਸੀਰੀਜ਼ ਤੋਂ ਬਾਅਦ ਸੰਨਿਆਸ ਦਾ ਐਲਾਨ ਕੀਤਾ ਸੀ। ਇਸ ਵਿਚਕਾਰ ਉਨ੍ਹਾਂ ਨੇ ਵਨਡੇ ਤੋਂ ਸੰਨਿਆਸ ਲੈਣ ਦਾ ਐਲਾਨ ਵੀ ਕੀਤਾ। ਹਾਲਾਂਕਿ ਉਨ੍ਹਾਂ ਨੇ ਕਿਹਾ ਸੀ ਕਿ ਉਹ 2025 'ਚ ਪਾਕਿਸਤਾਨ 'ਚ ਹੋਣ ਵਾਲੀ ਚੈਂਪੀਅਨ ਟਰਾਫੀ 'ਚ ਖੇਡ ਸਕਦੇ ਹਨ। ਇਸ ਸੀਰੀਜ਼ ਲਈ ਅਜੇ ਆਸਟ੍ਰੇਲੀਆਈ ਟੀਮ ਦਾ ਐਲਾਨ ਨਹੀਂ ਹੋਇਆ ਹੈ, ਜਿਸ 'ਚ ਕੈਮਰਨ ਗ੍ਰੀਨ ਤੋਂ ਇਲਾਵਾ ਮਾਰਕਸ ਹੈਰਿਸ ਨੂੰ ਓਪਨਿੰਗ ਬੱਲੇਬਾਜ਼ ਦੇ ਤੌਰ 'ਤੇ ਟੀਮ 'ਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।