ਨਵੀਂ ਦਿੱਲੀ: ਭਾਰਤ ਦੇ ਨੌਜਵਾਨ ਲੈੱਗ ਸਪਿਨਰ ਰਵੀ ਬਿਸ਼ਨੋਈ ਨੇ ਆਸਟ੍ਰੇਲੀਆ ਖਿਲਾਫ ਹਾਲੀਆ ਸੀਰੀਜ਼ 'ਚ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਬੁੱਧਵਾਰ ਨੂੰ ਪੰਜ ਸਥਾਨਾਂ ਦੀ ਛਲਾਂਗ ਲਗਾ ਕੇ ਆਈਸੀਸੀ ਟੀ-20 ਅੰਤਰਰਾਸ਼ਟਰੀ ਗੇਂਦਬਾਜ਼ੀ ਰੈਂਕਿੰਗ (International bowling rankings) 'ਚ ਚੋਟੀ 'ਤੇ ਕਬਜ਼ਾ ਕਰ ਲਿਆ ਹੈ। ਬਿਸ਼ਨੋਈ ਨੇ ਆਸਟ੍ਰੇਲੀਆ ਖਿਲਾਫ ਹਾਲ ਹੀ 'ਚ ਖਤਮ ਹੋਈ ਸੀਰੀਜ਼ 'ਚ 5 ਮੈਚਾਂ 'ਚ 9 ਵਿਕਟਾਂ ਲਈਆਂ ਸਨ। 23 ਸਾਲਾ ਬਿਸ਼ਨੋਈ ਦੇ 699 ਰੇਟਿੰਗ ਅੰਕ ਹਨ। ਇਸ ਤਰ੍ਹਾਂ ਉਸ ਨੇ ਅਫ਼ਗਾਨਿਸਤਾਨ ਦੇ ਸਪਿਨਰ ਰਾਸ਼ਿਦ ਖ਼ਾਨ (692 ਅੰਕ) ਨੂੰ ਪੰਜ ਸਥਾਨਾਂ ਦਾ ਫ਼ਾਇਦਾ ਚੁੱਕ ਕੇ ਸਿਖਰ ਤੋਂ ਹਟਾ ਦਿੱਤਾ।
ICC T20I RANKINGS: ਰਵੀ ਬਿਸ਼ਨੋਈ ਬਣਿਆ ਵਿਸ਼ਵ ਦਾ ਨੰਬਰ 1 ਟੀ-20 ਗੇਂਦਬਾਜ਼,ਸੂਰਿਆਕੁਮਾਰ ਯਾਦਵ ਵੀ ਸਿਖਰ 'ਤੇ ਬਰਕਰਾਰ
Published : Dec 6, 2023, 6:23 PM IST
ਇੱਕ ਵਾਰ ਫਿਰ ਭਾਰਤੀ ਖਿਡਾਰੀਆਂ ਨੇ ਆਪਣੇ ਧਮਾਕੇਦਾਰ ਪ੍ਰਦਰਸ਼ਨ ਦੀ ਬਦੌਲਤ ਆਈਸੀਸੀ ਟੀ-ਰੈਂਕਿੰਗ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਰਵੀ ਬਿਸ਼ਨੋਈ (Ravi Bishnoi) ਟੀ-20 ਫਾਰਮੈਟ 'ਚ ਦੁਨੀਆਂ ਦੇ ਨੰਬਰ 1 ਗੇਂਦਬਾਜ਼ ਬਣ ਗਏ ਹਨ। ਇਸ ਦੇ ਨਾਲ ਸੂਰਿਆਕੁਮਾਰ ਯਾਦਵ ਟੀ-20 ਦੇ ਨੰਬਰ 1 ਬੱਲੇਬਾਜ਼ ਬਣੇ ਹੋਏ ਹਨ।
![ICC T20I RANKINGS: ਰਵੀ ਬਿਸ਼ਨੋਈ ਬਣਿਆ ਵਿਸ਼ਵ ਦਾ ਨੰਬਰ 1 ਟੀ-20 ਗੇਂਦਬਾਜ਼,ਸੂਰਿਆਕੁਮਾਰ ਯਾਦਵ ਵੀ ਸਿਖਰ 'ਤੇ ਬਰਕਰਾਰ ICC T20I RANKINGS RAVI BISHNOI BECOMES WORLD NUMBER 1 T20 BOWLER](https://etvbharatimages.akamaized.net/etvbharat/prod-images/06-12-2023/1200-675-20201734-591-20201734-1701866930967.jpg)
ਬਿਸ਼ਨੋਈ ਨੇ ਦਰਜਾਬੰਦੀ 'ਚ ਕਮਾਲ ਕੀਤਾ :ਸ਼੍ਰੀਲੰਕਾ ਦੇ ਸਪਿਨਰ ਵਨਿੰਦੂ ਹਸਾਰੰਗਾ ਅਤੇ ਇੰਗਲੈਂਡ ਦੇ ਆਦਿਲ ਰਾਸ਼ਿਦ ਸਾਂਝੇ ਤੌਰ 'ਤੇ ਤੀਜੇ ਸਥਾਨ 'ਤੇ ਹਨ ਅਤੇ ਦੋਵਾਂ ਦੇ 679 ਅੰਕ ਹਨ। ਚੋਟੀ ਦੇ ਪੰਜ ਗੇਂਦਬਾਜ਼ਾਂ ਵਿੱਚ ਸ੍ਰੀਲੰਕਾ ਦਾ ਮਹਿਸ਼ ਤੀਕਸ਼ਾਨਾ (677 ਅੰਕ) ਸ਼ਾਮਲ ਹੈ। ਬਿਸ਼ਨੋਈ ਖੇਡ ਦੇ ਇਸ ਛੋਟੇ ਫਾਰਮੈਟ 'ਚ ਸਿਖਰਲੇ 10 'ਚ ਇਕਲੌਤਾ ਗੇਂਦਬਾਜ਼ ਹੈ, ਜਦਕਿ ਅਕਸ਼ਰ ਪਟੇਲ (Akshar Patel) ਨੌਂ ਸਥਾਨਾਂ ਦੀ ਛਲਾਂਗ ਲਗਾ ਕੇ 18ਵੇਂ ਸਥਾਨ 'ਤੇ ਪਹੁੰਚ ਗਿਆ ਹੈ।
- ਕੋਹਲੀ-ਡੀਵਿਲੀਅਰਸ ਬਾਰੇ ਗਲੇਨ ਮੈਕਸਵੈੱਲ ਦਾ ਬਿਆਨ, ਕਿਹਾ-ਦੋਵਾਂ ਤੋਂ ਬਹੁਤ ਕੁੱਝ ਸਿੱਖਿਆ
- ਆਈਪੀਐਲ 2024 ਦੀ ਨਿਲਾਮੀ ਵਿੱਚ ਇਨ੍ਹਾਂ ਖਿਡਾਰੀਆਂ 'ਤੇ ਵਰ੍ਹਾਇਆ ਜਾਵੇਗਾ ਬਹੁਤ ਸਾਰਾ ਪੈਸਾ, ਜਾਣੋ ਕਿਹੜੀ ਫਰੈਂਚਾਈਜ਼ੀ ਲਗਾਏਗੀ ਸਭ ਤੋਂ ਵੱਧ ਬੋਲੀ
- ਵਿਰਾਟ ਸਮੇਤ ਕਿਹੜੇ-ਕਿਹੜੇ ਬੱਲੇਬਾਜ਼ਾਂ ਨੇ ਵਨਡੇ 'ਚ ਬੱਲੇ ਨਾਲ ਮਚਾਈ ਹਲਚਲ, ਜਾਣੋ ਕਿੰਨੀਆਂ ਪਾਰੀਆਂ 'ਚ ਹਾਸਿਲ ਕੀਤਾ ਇਹ ਵੱਡਾ ਮੀਲ ਪੱਥਰ
ਰਿਤੂਰਾਜ ਗਾਇਕਵਾੜ ਨੇ ਵੀ ਕੀਤਾ ਧਮਾਕਾ: ਕਪਤਾਨ ਸੂਰਿਆਕੁਮਾਰ ਯਾਦਵ (Captain Suryakumar Yadav) ਜਿਸ ਨੇ ਭਾਰਤ ਨੂੰ ਟੀ-20 ਅੰਤਰਰਾਸ਼ਟਰੀ ਲੜੀ ਵਿੱਚ ਆਸਟਰੇਲੀਆ ਨੂੰ 4-1 ਨਾਲ ਹਰਾਇਆ ਸੀ, ਬੱਲੇਬਾਜ਼ਾਂ ਦੀ ਰੈਂਕਿੰਗ ਵਿੱਚ ਸਿਖਰ 'ਤੇ ਬਰਕਰਾਰ ਹੈ, ਜਦੋਂ ਕਿ ਸਲਾਮੀ ਬੱਲੇਬਾਜ਼ ਰਿਤੁਰਾਜ ਗਾਇਕਵਾੜ ਇੱਕ ਸਥਾਨ ਖਿਸਕ ਕੇ ਸੱਤਵੇਂ ਸਥਾਨ 'ਤੇ ਆ ਗਿਆ ਹੈ। ਹਰਫਨਮੌਲਾ ਖਿਡਾਰੀਆਂ ਦੀ ਸੂਚੀ 'ਚ ਹਾਰਦਿਕ ਪੰਡਯਾ ਨੇ ਤੀਸਰਾ ਸਥਾਨ ਬਰਕਰਾਰ ਰੱਖਿਆ ਹੈ ਭਾਵੇਂ ਉਹ ਸੱਟ ਕਾਰਨ ਆਸਟ੍ਰੇਲੀਆ ਖਿਲਾਫ ਸੀਰੀਜ਼ 'ਚ ਨਹੀਂ ਖੇਡ ਸਕੇ ਸਨ।ਰਵੀ ਬਿਸ਼ਨੋਈ ਅਤੇ ਰੁਤੁਰਾਜ ਗਾਇਕਵਾੜ ਹੁਣ ਦੱਖਣੀ ਅਫਰੀਕਾ ਖਿਲਾਫ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ 'ਚ ਧਮਾਕੇਦਾਰ ਪ੍ਰਦਰਸ਼ਨ ਕਰ ਰਹੇ ਹਨ। ਅਜਿਹੇ 'ਚ ਉਸ ਕੋਲ ਆਪਣੀ ਸਥਿਤੀ ਹੋਰ ਮਜ਼ਬੂਤ ਕਰਨ ਦਾ ਮੌਕਾ ਹੋਵੇਗਾ।