ਨਵੀਂ ਦਿੱਲੀ: ਸਰੀਰਿਕ ਪਰੇਸ਼ਾਨੀਆਂ ਨਾਲ ਜੂਝ ਰਹੇ ਭਾਰਤੀ ਕ੍ਰਿਕੇਟ ਟੀਮ ਦੇ ਤੇਜ਼ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ ਦੀ ਪਿਛਲੇ ਦਿਨੀਂ ਲੰਡਨ ਵਿੱਚ ਸਪੋਰਟਸ ਹਰਨੀਆ ਦੀ ਸਰਜਰੀ ਹੋਈ ਹੈ। ਦੱਸਣਯੋਗ ਹੈ ਕਿ ਉਹ ਭਾਰਤ ਵਾਪਸ ਆ ਬੈਂਗਲੁਰੂ ਸਥਿਤ ਰਾਸ਼ਟਰੀ ਅਕੈਡਮੀ (ਐਨਸੀਏ) ਦਾ ਹਿੱਸਾ ਬਣਨਗੇ। ਬੀਸੀਸੀਆਈ ਨੇ ਭੁਵਨੇਸ਼ਵਰ ਕੁਮਾਰ ਦੀ ਸਿਹਤ ਤੋਂ ਜੁੜੇ ਅਪਡੇਟ ਦੀ ਪੁਸ਼ਟੀ ਕੀਤੀ ਹੈ ਪਰ ਬੋਰਡ ਨੇ ਉਨ੍ਹਾਂ ਦੇ ਮੈਦਾਨ ‘ਚ ਵਾਪਸ ਪਰਤਣ ਦਾ ਕੋਈ ਜ਼ਿਕਰ ਨਹੀਂ ਕੀਤਾ ਹੈ।
ਹੋਰ ਪੜ੍ਹੋ: ICC ਮਹਿਲਾ ਟੀ-20 ਵਰਲਡ ਕੱਪ ਲਈ ਆਸਟ੍ਰੇਲੀਆਈ ਟੀਮ ਦਾ ਐਲਾਨ
ਬੋਰਡ ਸਕੱਤਰ ਜੇ ਸ਼ਾਹ ਦਾ ਕਹਿਣਾ ਹੈ ਕਿ ਤੇਜ਼ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ 9 ਜਨਵਰੀ ਨੂੰ ਲੰਡਨ ਪਹੁੰਚੇ ਸਨ ਅਤੇ 11 ਜਨਵਰੀ ਨੂੰ ਉਨ੍ਹਾਂ ਦੀ ਸਪੋਰਟਸ ਹਰਨੀਆ ਦੀ ਸਰਜਰੀ ਹੋਈ ਸੀ, ਜੋ ਸਫ਼ਲ ਰਹੀ ਹੈ। ਇਸ ਦੌਰਾਨ ਟੀਮ ਇੰਡੀਆ ਦੇ ਫਿਜ਼ੀਓਥੈਰੇਪਿਸਟ ਯੋਗੇਸ਼ ਪਰਮਾਰ ਉਨ੍ਹਾਂ ਦੇ ਨਾਲ ਸਨ।
ਹੋਰ ਪੜ੍ਹੋ: BCCI ਨੇ ਕੇਂਦਰੀ ਕਾਨਟਰੈਕਟ ਖਿਡਾਰੀਆਂ ਦੀ ਲਿਸਟ 'ਚੋਂ ਧੋਨੀ ਦਾ ਨਾਂਅ ਕੀਤਾ ਬਾਹਰ
ਉਨ੍ਹਾਂ ਕਿਹਾ, ''ਭੁਵਨੇਸ਼ਵਰ ਹੁਣ ਭਾਰਤ ਪਰਤਣਗੇ ਅਤੇ ਬੈਂਗਲੁਰੂ ਵਿੱਚ ਨੈਸ਼ਨਲ ਕ੍ਰਿਕਟ ਅਕੈਡਮੀ (ਐਨਸੀਏ) ਵਿੱਚ ਆਪਣੀ ਮੁੜ ਵਾਪਸੀ ਕਰਨਗੇ। ਸੱਟ ਕਾਰਨ ਉਹ ਨਿਉਜ਼ੀਲੈਂਡ ਦੇ ਆਉਣ ਵਾਲੇ ਟੀ-20 ਲਈ ਨਹੀਂ ਚੁਣੇ ਗਏ ਸਨ। ਇਸ ਦੇ ਨਾਲ ਹੀ ਇੱਕ ਰਿਪੋਰਟ ਮੁਤਾਬਿਕ, ਬੀਸੀਸੀਆਈ ਨੇ ਕਿਹਾ ਕਿ ਨੌਜਵਾਨ ਬੱਲੇਬਾਜ਼ ਪ੍ਰਿਥਵੀ ਸ਼ਾਹ ਨੇ ਮੋਢੇ 'ਤੇ ਸੱਟ ਲੱਗਣ ਤੋਂ ਬਾਅਦ ਆਪਣਾ ਮੁੜ ਵਸੇਬਾ ਪੂਰਾ ਕਰ ਲਿਆ ਹੈ। ਉਹ ਭਾਰਤ ਏ ਟੀਮ ਵਿੱਚ ਸ਼ਾਮਲ ਹੋਣ ਲਈ ਨਿਊਜ਼ੀਲੈਂਡ ਲਈ ਰਵਾਨਾ ਹੋਏ ਹਨ।
TAGGED:
ਭੁਵਨੇਸ਼ਵਰ ਕੁਮਾਰ ਖ਼ਬਰ