IMF ਅਤੇ ਵਰਲਡ ਬੈਂਕ ਨੇ G-20 ਦੇ ਰਿਣ ਰਾਹਤ ਦੇ ਫ਼ੈਸਲੇ ਦਾ ਕੀਤਾ ਸਵਾਗਤ

IMF ਅਤੇ ਵਿਸ਼ਵ ਬੈਂਕ ਸਮੂਹ ਨੇ ਕੋਵਿਡ-19 ਮਹਾਂਮਾਰੀ ਦੇ ਦੌਰਾਨ ਦੁਨੀਆ ਦੇ ਸਭ ਤੋਂ ਗ਼ਰੀਬ ਦੇਸ਼ਾਂ ਲਈ ਆਰਜ਼ੀ ਰਿਣ ਰਾਹਤ ਪ੍ਰਦਾਨ ਕਰਨ ਦੇ ਗਰੁੱਪ ਆਫ਼ 20(ਜੀ-20) ਦੇ ਫ਼ੈਸਲੇ ਦਾ ਸਵਾਗਤ ਕੀਤਾ ਹੈ।

ਵਾਸ਼ਿੰਗਟਨ: ਅੰਤਰਰਾਸ਼ਟਰੀ ਮੁਦਰਾ ਫੰਡ (ਆਈ.ਐੱਮ.ਐੱਫ.) ਅਤੇ ਵਿਸ਼ਵ ਬੈਂਕ ਸਮੂਹ ਨੇ ਕੋਵਿਡ-19 ਮਹਾਂਮਾਰੀ ਦੇ ਦੌਰਾਨ ਦੁਨੀਆ ਦੇ ਸਭ ਤੋਂ ਗ਼ਰੀਬ ਦੇਸ਼ਾਂ ਲਈ ਆਰਜ਼ੀ ਰਿਣ ਰਾਹਤ ਪ੍ਰਦਾਨ ਕਰਨ ਦੇ ਗਰੁੱਪ ਆਫ਼ 20(ਜੀ-20) ਦੇ ਫ਼ੈਸਲੇ ਦਾ ਸਵਾਗਤ ਕੀਤਾ ਹੈ।

ਵਰਲਡ ਬੈਂਕ ਗਰੁੱਪ ਦੇ ਪ੍ਰਧਾਨ ਡੇਵਿਡ ਮਾਲਪਾਸ ਅਤੇ ਆਈਐਮਐਫ਼ ਦੇ ਡਾਇਰੈਕਟਰ ਨੇ ਬੁੱਧਵਾਰ ਨੂੰ ਸਾਂਝੇ ਬਿਆਨ ਵਿੱਚ ਕਿਹਾ ਕਿ,"ਅਸੀਂ ਜੀ -20 ਦੇ ਸਾਡੇ ਸੱਦੇ ਦਾ ਜਵਾਬ ਦੇਣ ਦੇ ਫੈਸਲੇ ਦਾ ਜ਼ੋਰਦਾਰ ਸਵਾਗਤ ਕਰਦੇ ਹਾਂ ਤਾਂ ਜੋ ਦੁਨੀਆ ਦੇ ਸਭ ਤੋਂ ਗਰੀਬ ਦੇਸ਼ਾਂ ਨੂੰ 1 ਮਈ ਨੂੰ ਅਧਿਕਾਰਤ ਦੁਵੱਲੇ ਕਰਜ਼ੇ ਦੀ ਮੁੜ ਅਦਾਇਗੀ ਨੂੰ ਰੱਦ ਕਰਨ ਦੀ ਸਹਿਣਸ਼ੀਲਤਾ ਦੀ ਬੇਨਤੀ ਕੀਤੀ ਜਾਵੇ।"

ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਬਿਆਨ ਵਿੱਚ ਕਿਹਾ ਕਿ ਇਹ ਇੱਕ ਸ਼ਕਤੀਸ਼ਾਲੀ, ਤੇਜ਼ੀ ਨਾਲ ਕੰਮ ਕਰਨ ਵਾਲੀ ਪਹਿਲ ਹੈ ਜੋ ਲੱਖਾਂ ਗ਼ਰੀਬ ਲੋਕਾਂ ਦੀ ਜਾਨ ਅਤੇ ਜਾਨ ਮਾਲ ਦੀ ਰਾਖੀ ਲਈ ਬਹੁਤ ਕੁੱਝ ਕਰੇਗੀ। ਇਸ ਸਬੰਧੀ ਵਰਲਡ ਬੈਂਕ ਅਤੇ ਆਈਐਮਐਫ਼ ਜੀ-20 ਦਾ ਸਮਰਥਨ ਦੇ ਕੇ ਉਨ੍ਹਾਂ ਦੀ ਬੇਨਤੀ ਦਾ ਜਵਾਬ ਦੇਣ ਲਈ ਜਲਦੀ ਅੱਗੇ ਵਧੇਗਾ।