Box Office Collection Day 8: ਕਮਾਈ ਦੇ ਮਾਮਲੇ 'ਚ ਸਭ ਤੋਂ ਅੱਗੇ ਨਿਕਲੀ 'ਫੁਕਰੇ 3', ਜਾਣੋ 'ਦਿ ਵੈਕਸੀਨ ਵਾਰ' ਅਤੇ 'ਚੰਦਰਮੁਖੀ 2' ਦਾ ਅੱਠਵੇਂ ਦਿਨ ਦਾ ਕਲੈਕਸ਼ਨ

Fukrey 3 Vs The Vaccine War Vs Chandramukhi 2 Collection Day 8: ਬਾਲੀਵੁੱਡ ਦੀਆਂ ਤਿੰਨ ਫਿਲਮਾਂ 'ਫੁਕਰੇ 3', 'ਦਿ ਵੈਕਸੀਨ ਵਾਰ' ਅਤੇ 'ਚੰਦਰਮੁਖੀ 2' 28 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਇਕੱਠੇ ਰਿਲੀਜ਼ ਹੋਈਆਂ ਸਨ। ਜਾਣੋ ਤਿੰਨੋਂ ਫਿਲਮਾਂ ਦਾ ਇੱਕ ਹਫ਼ਤੇ ਦਾ ਕਲੈਕਸ਼ਨ...।

ਮੁੰਬਈ: 28 ਸਤੰਬਰ ਨੂੰ ਰਿਲੀਜ਼ ਹੋਈ 'ਫੁਕਰੇ 3' ਨੇ ਭਾਰਤੀ ਬਾਕਸ ਆਫਿਸ 'ਤੇ ਚੰਗੀ ਸ਼ੁਰੂਆਤ ਕੀਤੀ ਸੀ ਅਤੇ ਫਿਲਮ ਨੇ ਭਾਰਤੀ ਬਾਕਸ ਆਫਿਸ 'ਤੇ 50 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ। 'ਫੁਕਰੇ 3' 'ਚ ਪੁਲਕਿਤ ਸਮਰਾਟ, ਵਰੁਣ ਸ਼ਰਮਾ, ਮਨਜੋਤ ਸਿੰਘ, ਪੰਕਜ ਤ੍ਰਿਪਾਠੀ ਅਤੇ ਰਿਚਾ ਚੱਢਾ ਮੁੱਖ ਭੂਮਿਕਾਵਾਂ 'ਚ ਹਨ। ਮ੍ਰਿਗਦੀਪ ਸਿੰਘ ਲਾਂਬਾ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਨੇ ਪਹਿਲੇ ਦਿਨ 8.50 ਕਰੋੜ ਦੀ ਕਮਾਈ ਕੀਤੀ ਹੈ।

'ਫੁਕਰੇ 3' ਨੇ ਆਪਣੇ ਪਹਿਲੇ 7 ਦਿਨਾਂ ਵਿੱਚ ਬਾਕਸ ਆਫਿਸ 'ਤੇ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਭਾਰਤ ਵਿੱਚ ਲਗਭਗ 63 ਕਰੋੜ ਦੀ ਕਮਾਈ ਕੀਤੀ ਹੈ। ਅੱਠਵੇਂ ਦਿਨ ਦੀ ਗੱਲ ਕਰੀਏ ਤਾਂ ਮੀਡੀਆ ਰਿਪੋਰਟਾਂ ਮੁਤਾਬਕ ਫਿਲਮ 3.74 ਕਰੋੜ ਰੁਪਏ ਕਮਾ ਸਕਦੀ ਹੈ। ਇਸ ਨਾਲ ਫਿਲਮ ਦਾ ਕੁੱਲ ਬਾਕਸ ਆਫਿਸ ਕਲੈਕਸ਼ਨ 66.74 ਕਰੋੜ ਰੁਪਏ ਹੋ ਜਾਵੇਗਾ।

'ਫੁਕਰੇ 3' ਦੇ ਨਾਲ ਰਿਲੀਜ਼ ਹੋਈ ਫਿਲਮ 'ਦਿ ਵੈਕਸੀਨ ਵਾਰ' ਬਾਕਸ ਆਫਿਸ 'ਤੇ ਕਮਾਈ ਦੇ ਮਾਮਲੇ 'ਚ ਕਾਫੀ ਧੀਮੀ ਹੈ। ਦਿ ਵੈਕਸੀਨ ਵਾਰ ਨੇ ਆਪਣੇ ਪਹਿਲੇ 7 ਦਿਨਾਂ ਵਿੱਚ ਬਾਕਸ ਆਫਿਸ 'ਤੇ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਭਾਰਤ ਵਿੱਚ ਲਗਭਗ 8.12 ਕਰੋੜ ਦੀ ਕਮਾਈ ਕੀਤੀ।

ਖਬਰਾਂ ਮੁਤਾਬਕ ਫਿਲਮ 8ਵੇਂ ਦਿਨ 0.47 ਕਰੋੜ ਰੁਪਏ ਕਮਾ ਸਕਦੀ ਹੈ। ਇਸ ਨਾਲ ਫਿਲਮ ਦਾ ਕੁੱਲ ਕਲੈਕਸ਼ਨ 8.59 ਕਰੋੜ ਹੋ ਜਾਵੇਗਾ। ਫਿਲਮ ਦਾ ਨਿਰਦੇਸ਼ਨ ਵਿਵੇਕ ਰੰਜਨ ਅਗਨੀਹੋਤਰੀ ਦੁਆਰਾ ਕੀਤਾ ਗਿਆ ਹੈ ਅਤੇ ਅਭਿਸ਼ੇਕ ਅਗਰਵਾਲ ਆਰਟਸ ਅਤੇ ਆਈ ਐਮ ਬੁੱਧ ਦੁਆਰਾ ਨਿਰਮਿਤ ਹੈ। ਵੈਕਸੀਨ ਵਾਰ ਵਿੱਚ ਨਾਨਾ ਪਾਟੇਕਰ, ਪੱਲਵੀ ਜੋਸ਼ੀ, ਰਾਇਮਾ ਸੇਨ, ਸਪਤਮੀ ਗੌੜਾ ਅਤੇ ਅਨੁਪਮ ਖੇਰ ਮੁੱਖ ਭੂਮਿਕਾਵਾਂ ਵਿੱਚ ਹਨ।

ਕੰਗਨਾ ਅਤੇ ਰਾਘਵ ਲਾਰੈਂਸ ਸਟਾਰਰ ਫਿਲਮ 'ਚੰਦਰਮੁਖੀ 2' ਨੇ ਆਪਣੇ ਪਹਿਲੇ 7 ਦਿਨਾਂ ਵਿੱਚ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ ਅਤੇ ਭਾਰਤ ਵਿੱਚ ਲਗਭਗ 33.02 ਕਰੋੜ ਦੀ ਕਮਾਈ ਕੀਤੀ। 'ਚੰਦਰਮੁਖੀ 2' ਅੱਠਵੇਂ ਦਿਨ 1.84 ਕਰੋੜ ਰੁਪਏ ਕਮਾ ਸਕਦੀ ਹੈ। ਜਿਸ ਤੋਂ ਬਾਅਦ ਫਿਲਮ ਦਾ ਕੁੱਲ ਬਾਕਸ ਆਫਿਸ ਕਲੈਕਸ਼ਨ 34.86 ਕਰੋੜ ਰੁਪਏ ਹੋ ਜਾਵੇਗਾ। ਚੰਦਰਮੁਖੀ 2 ਵਿੱਚ ਕੰਗਨਾ ਰਣੌਤ, ਰਾਘਵੇਂਦਰ ਲਾਰੈਂਸ, ਵਾਦਿਵੇਲੂ, ਲਕਸ਼ਮੀ ਮੈਨਨ, ਮਹਿਮਾ ਨੰਬਰਬਾਰ ਅਤੇ ਰਾਧਿਕਾ ਸਾਰਥਕੁਮਾਰ ਮੁੱਖ ਭੂਮਿਕਾਵਾਂ ਵਿੱਚ ਹਨ।