Amitabh Bachchan: ਅਮਿਤਾਭ ਬੱਚਨ ਹੋਏ ਗ੍ਰਿਫਤਾਰ? ਪ੍ਰਸ਼ੰਸਕ ਬੋਲੇ-'ਕਾਸ਼ ਹੈਲਮੇਟ ਪਾ ਲੈਂਦੇ'

ਬਿਨ੍ਹਾਂ ਹੈਲਮੇਟ ਦੇ ਬਾਈਕ ਸਵਾਰੀ ਦੀਆਂ ਤਸਵੀਰਾਂ ਨਾਲ ਟਵਿੱਟਰ ਉਤੇ ਤੂਫਾਨ ਮਚਾਉਣ ਤੋਂ ਬਾਅਦ ਅਮਿਤਾਭ ਬੱਚਨ ਨੇ ਸੋਸ਼ਲ ਮੀਡੀਆ 'ਤੇ ਇਕ ਗੁਪਤ ਪੋਸਟ ਨਾਲ ਪ੍ਰਸ਼ੰਸਕਾਂ ਨੂੰ ਛੇੜਿਆ ਹੈ। ਇੰਸਟਾਗ੍ਰਾਮ 'ਤੇ ਬੱਚਨ ਨੇ ਇਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ਦੇ ਨਾਲ ਲਿਖਿਆ 'ਗ੍ਰਿਫਤਾਰ' ਹੈ।

ਹੈਦਰਾਬਾਦ: ਅਮਿਤਾਭ ਬੱਚਨ ਹਾਲ ਹੀ ਵਿੱਚ ਬਿਨ੍ਹਾਂ ਹੈਲਮੇਟ ਦੇ ਬਾਈਕ ਚਲਾਉਣ ਦੀਆਂ ਤਸਵੀਰਾਂ ਲਈ ਸੁਰਖੀਆਂ ਵਿੱਚ ਬਣੇ ਹੋਏ ਹਨ। ਮੇਗਾਸਟਾਰ ਨੇ ਇੰਸਟਾਗ੍ਰਾਮ 'ਤੇ ਇਸ ਦੀ ਇਕ ਤਸਵੀਰ ਪੋਸਟ ਕੀਤੀ ਸੀ ਪਰ ਉਸ ਨੂੰ ਨਹੀਂ ਪਤਾ ਸੀ ਕਿ ਇਹ ਉਸ ਲਈ ਮੁਸੀਬਤ ਨੂੰ ਸੱਦਾ ਦੇਵੇਗੀ। ਬਿੱਗ ਬੀ ਦੀਆਂ ਆਪਣੀਆਂ ਬਾਈਕ ਸਵਾਰੀ ਦੀਆਂ ਤਸਵੀਰਾਂ ਸ਼ੇਅਰ ਕਰਨ ਤੋਂ ਬਾਅਦ ਕਈ ਨੇਟੀਜ਼ਨਾਂ ਨੇ ਸੋਸ਼ਲ ਮੀਡੀਆ 'ਤੇ ਮੁੰਬਈ ਪੁਲਿਸ ਦਾ ਧਿਆਨ ਇਸ ਤੱਥ ਵੱਲ ਦਿਵਾਇਆ ਸੀ ਕਿ ਬਿੱਗ ਬੀ ਨੇ ਤਸਵੀਰ ਵਿੱਚ ਹੈਲਮੇਟ ਨਹੀਂ ਪਾਇਆ ਹੋਇਆ ਸੀ। ਹੁਣ ਕੁਝ ਦਿਨਾਂ ਬਾਅਦ ਬੱਚਨ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਗੁਪਤ ਪੋਸਟ ਨੂੰ ਸਾਂਝਾ ਕੀਤਾ ਹੈ, ਜਿਸ ਵਿੱਚ ਉਹ ਨੇਟੀਜ਼ਨਾਂ ਨੂੰ 'ਛੇੜਦੇ' ਹੋਏ ਨਜ਼ਰ ਆ ਰਹੇ ਹਨ।

ਅਦਾਕਾਰ ਨੇ ਸੋਸ਼ਲ ਮੀਡੀਆ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਮੂੰਹ ਲਟਕਾਏ ਮੁੰਬਈ ਪੁਲਿਸ ਦੀ ਕਾਰ ਦੇ ਕੋਲ ਖੜ੍ਹਾ ਹੈ। ਬਿੱਗ ਬੀ ਨੂੰ ਅਸਲ ਵਿੱਚ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ। ਬਿੱਗ ਬੀ ਦੇ ਪ੍ਰਸ਼ੰਸਕ ਚੰਗੀ ਤਰ੍ਹਾਂ ਜਾਣਦੇ ਹਨ ਕਿ ਉਨ੍ਹਾਂ ਦੇ ਚਹੇਤੇ ਸਿਤਾਰੇ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਹਰ ਰੋਜ਼ ਆਪਣੀਆਂ ਮਜ਼ਾਕੀਆਂ ਪੋਸਟਾਂ ਨਾਲ ਪ੍ਰਸ਼ੰਸਕਾਂ ਦਾ ਮੰਨੋਰੰਜਨ ਕਰਦੇ ਰਹਿੰਦੇ ਹਨ। ਇਸ ਵਾਰ ਵੀ ਬਿੱਗ ਬੀ ਨੇ ਕੁਝ ਅਜਿਹਾ ਹੀ ਕੀਤਾ ਹੈ।

ਅਸਲ 'ਚ ਬਿੱਗ ਬੀ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਪੂਰੇ ਸਟਾਈਲ ਲੁੱਕ (ਆਗਾਮੀ ਫਿਲਮ ਦਾ ਲੁੱਕ) 'ਚ ਪੁਲਿਸ ਦੀ ਕਾਰ ਦੇ ਕੋਲ ਖੜ੍ਹੇ ਹਨ। ਇਸ ਤਸਵੀਰ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕਰਦੇ ਹੋਏ ਬਿੱਗ ਬੀ ਨੇ ਲਿਖਿਆ ਹੈ, 'ਗ੍ਰਿਫਤਾਰ'।

ਪ੍ਰਸ਼ੰਸਕਾਂ ਦੀਆਂ ਟਿੱਪਣੀਆਂ:ਹੁਣ ਬਿੱਗ ਬੀ ਦੀ ਇਸ ਤਸਵੀਰ 'ਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦੀਆਂ ਪ੍ਰਤੀਕਿਰਿਆਵਾਂ ਆਉਣੀਆਂ ਸ਼ੁਰੂ ਹੋ ਗਈਆਂ ਹਨ। ਇੱਕ ਨੇ ਲਿਖਿਆ ਹੈ, ' ਹੱਥਕੜੀ ਦੀ ਚਾਬੀ ਕਿੱਥੇ ਰੱਖੀ ਹੈ'। ਦੂਸਰੇ ਨੇ ਲਿਖਿਆ ਹੈ, 'ਬੁਢਾਪੇ ਵਿੱਚ ਗ੍ਰਿਫਤਾਰ ਹੋਣਾ ਹੈਰਾਨੀਜਨਕ ਹੈ'। ਚੁਟਕੀ ਲੈਂਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ 'ਤੁਸੀਂ ਸ਼ਰਾਬੀ ਲੱਗ ਰਹੇ ਹੋ'। ਇਸ ਦੇ ਨਾਲ ਹੀ ਇਕ ਯੂਜ਼ਰ ਨੇ ਹੱਦ ਪਾਰ ਕਰ ਦਿੱਤੀ। ਲਿਖਿਆ ਹੈ ਕਿ 'ਆਖਰਕਾਰ ਮੁੰਬਈ ਪੁਲਿਸ ਨੇ ਡੌਨ ਨੂੰ ਫੜ ਲਿਆ ਹੈ'। ਇਸ ਨੇ ਨਾਲ ਹੀ ਇੱਕ ਹੋਰ ਨੇ ਲਿਖਿਆ "ਕਾਸ਼ ਹੈਲਮੇਟ ਪਾ ਲੈਂਦੇ।"

ਦਿਲਚਸਪ ਗੱਲ ਇਹ ਹੈ ਕਿ ਮੁੰਬਈ ਪੁਲਿਸ ਅਤੇ ਸੋਸ਼ਲ ਮੀਡੀਆ ਦੇ ਇੱਕ ਹਿੱਸੇ ਨੇ ਸੁਰੱਖਿਆ ਨਿਰਦੇਸ਼ਾਂ ਦੀ ਪਾਲਣਾ ਨਾ ਕਰਨ ਲਈ ਬਿੱਗ ਬੀ ਦੀ ਆਲੋਚਨਾ ਕਰਨ ਤੋਂ ਬਾਅਦ ਅਦਾਕਾਰ ਨੇ ਆਪਣੇ ਬਲੌਗ 'ਤੇ ਆਪਣੀਆਂ ਕਾਰਵਾਈਆਂ ਬਾਰੇ ਸਪੱਸ਼ਟੀਕਰਨ ਦਿੱਤਾ। ਆਪਣੇ ਬਲਾਗ 'ਚ ਬਿੱਗ ਬੀ ਨੇ ਕਿਹਾ ਕਿ ਇਹ ਤਸਵੀਰ ਕਰੂ ਮੈਂਬਰ ਦੇ ਨਾਲ ਲੋਕੇਸ਼ਨ 'ਤੇ ਲਈ ਗਈ ਸੀ।