ਡਾਕਖਾਨੇ ਦੇ ਮੁਲਾਜ਼ਮਾਂ ਵੱਲੋਂ ਸਪੀਡ ਪੋਸਟ ਲਈ ਪੇਪਰ ਫ਼ੜਣ ਤੋਂ ਇੰਨਕਾਰ, ਵਿਦਿਆਰਥੀ ਘੰਟਿਆਂ ਬੱਦੀ ਹੋਏ ਖੱਜਲ-ਖ਼ੁਆਰ

ਨਾਭਾ ਦੇ ਡਾਕ ਘਰ ਵਿੱਚ ਵਿਦਿਆਰਥੀ ਆਪਣੇ-ਆਪਣੇ ਪੇਪਰ ਲੈ ਕੇ ਪਟਿਆਲਾ ਯੂਨੀਵਰਸਿਟੀ ਨੂੰ ਸਪੀਡ ਪੋਸਟ ਕਰਵਾਉਣ ਪਹੁੰਚੇ ਤਾਂ ਡਾਕਖਾਨੇ ਦੇ ਮੁਲਾਜ਼ਮਾਂ ਵੱਲੋਂ ਪੇਪਰ ਫੜਨ ਤੋਂ ਇਨਕਾਰ ਕਰ ਦਿੱਤਾ ਗਿਆ।

ਨਾਭਾ: ਕੋਰੋਨਾ ਵਾਇਰਸ ਦੀ ਮਹਾਂਮਾਰੀ ਦੇ ਚੱਲਦੇ ਜਿੱਥੇ ਪੰਜਾਬ ਸਰਕਾਰ ਵੱਲੋਂ ਬੀ.ਏ. ਅਤੇ ਐਮ.ਏ. ਪ੍ਰਾਈਵੇਟ ਸਮੈਸਟਰ ਦੇ ਵਿਦਿਆਰਥੀਆਂ ਤੋਂ ਆਨਲਾਈਨ ਪੇਪਰ ਲਏ ਗਏ ਸਨ। ਉਨ੍ਹਾਂ ਨੂੰ ਉਸੇ ਦਿਨ ਹੀ ਡਾਕਘਰ 'ਚ ਜਮ੍ਹਾ ਕਰਵਾਉਣਾ ਜ਼ਰੂਰੀ ਸੀ, ਪਰ ਜਦੋਂ ਨਾਭਾ ਦੇ ਡਾਕ ਘਰ ਵਿੱਚ ਵਿਦਿਆਰਥੀ ਆਪਣੇ-ਆਪਣੇ ਪੇਪਰ ਲੈ ਕੇ ਪਟਿਆਲਾ ਯੂਨੀਵਰਸਿਟੀ ਨੂੰ ਸਪੀਡ ਪੋਸਟ ਕਰਵਾਉਣ ਪਹੁੰਚੇ ਤਾਂ ਡਾਕਖਾਨੇ ਦੇ ਮੁਲਾਜ਼ਮਾਂ ਵੱਲੋਂ ਪੇਪਰ ਫੜਨ ਤੋਂ ਇਹ ਕਹਿ ਕੇ ਇਨਕਾਰ ਕਰ ਦਿੱਤਾ ਕਿ ਤੁਸੀਂ 3 ਵਜੇ ਤੱਕ ਹੀ ਇਹ ਡਾਕ ਜਮ੍ਹਾ ਕਰਵਾ ਸਕਦੇ ਹੋ। ਇਸ ਤੋਂ ਬਾਅਦ ਅਸੀਂ ਤੁਹਾਡੇ ਪੇਪਰ ਨਹੀਂ ਫੜੇ ਜਾਣਗੇ

ਇਸ ਮੌਕੇ ਤੇ ਸਪੀਡ ਪੋਸਟ ਕਰਾਉਣ ਆਏ ਵਿਦਿਆਰਥੀਆਂ ਨੇ ਕਿਹਾ ਕਿ ਅਸੀਂ ਸਵੇਰ ਤੋਂ ਹੀ ਭੁੱਖੇ ਪੇਟ ਪਹਿਲਾਂ ਪੇਪਰ ਦੇ ਕੇ ਆਏ ਹਾਂ ਅਤੇ ਹੁਣ ਸਾਨੂੰ ਕਿਹਾ ਗਿਆ ਕਿ ਤੁਸੀਂ ਇਹ ਪੇਪਰ ਸਪੀਡ ਪੋਸਟ ਪਟਿਆਲਾ ਯੂਨੀਵਰਸਿਟੀ ਨੂੰ ਕਰਵਾ ਦਿਓ। ਪਰ ਸਾਨੂੰ ਕਈ ਘੰਟੇ ਇਥੇ ਖੱਜਲ ਖੁਆਰ ਹੁੰਦੇ ਨੂੰ ਹੋ ਗਏ ਨਾ ਹੀ ਡਾਕਘਰ ਵਾਲੇ ਸਾਡੇ ਤੋਂ ਸਪੀਡ ਪੋਸਟ ਕਰ ਰਹੇ ਹਨ ਅਤੇ ਨਾ ਹੀ ਕੋਈ ਸਾਨੂੰ ਜਵਾਬ ਦੇ ਰਹੇ ਹਨ ਜੇਕਰ ਉਹ ਅੱਜ ਦੀ ਡੇਟ 'ਚ ਸਪੀਡ ਪੋਸਟ ਨਹੀਂ ਕਰਦੇ ਤਾਂ ਸਾਡਾ ਇੱਕ ਸਾਲ ਖਰਾਬ ਹੋ ਜਾਏਗਾ।

ਇਸ ਮੌਕੇ ਤੇ ਵਿਦਿਆਰਥਣ ਦੇ ਪਿਤਾ ਨੇ ਦੱਸਿਆ ਕਿ ਅਸੀਂ ਡਾਕ ਘਰ ਵਿੱਚ ਦੁਪਹਿਰ ਤੋਂ ਹੀ ਖੱਜਲ ਖੁਆਰ ਹੋ ਰਹੇ ਹਾਂ। ਪਰ ਇਨ੍ਹਾਂ ਨੂੰ ਇਕ ਅਲੱਗ ਕਾਊਂਟਰ ਹੋ ਲਗਾ ਦੇਣਾ ਚਾਹੀਦਾ ਸੀ। ਜਿਸ ਨਾਲ ਪੇਪਰਾਂ ਦੀ ਸਪੀਡ ਪੋਸਟ ਹੋਰ ਜ਼ਿਆਦਾ ਹੋ ਸਕਦੀ ਸੀ। ਪਰ ਇਨ੍ਹਾਂ ਵੱਲੋਂ ਥੋੜ੍ਹੇ ਹੀ ਪੇਪਰ ਸਪੀਡ ਪੋਸਟ ਕਰ ਕੇ ਬਾਅਦ ਵਿੱਚ ਸਾਨੂੰ ਜਵਾਬ ਦੇ ਦਿੱਤਾ ਕੀ ਹੁਣ ਸਪੀਡ ਪੋਸਟ ਨਹੀਂ ਹੋਣੀ। ਸਾਡੇ ਵਿਦਿਆਰਥੀਆਂ ਦਾ ਭਵਿੱਖ ਖ਼ਤਰੇ ਵਿੱਚ ਇਨ੍ਹਾਂ ਨੇ ਪਾ ਦਿੱਤਾ ਹੈ।

ਜਦੋਂ ਇਸ ਸਬੰਧ ਵਿੱਚ ਪੋਸਟ ਅਫ਼ਸਰ ਊਸ਼ਾ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਨੇ ਆਪਣੀ ਗ਼ਲਤੀ ਦਾ ਅਹਿਸਾਸ ਕਰਦੇ ਕਿਹਾ ਕਿ ਅਸੀਂ ਵਿਦਿਆਰਥੀਆਂ ਦਾ ਕੰਮ ਕਰਵਾ ਰਹੇ ਹਾਂ। ਮੈਂ ਇਸ ਨੂੰ ਅੱਧਾ ਘੰਟਾ ਹੋਰ ਕਰਵਾ ਸਕਦੀਆਂ ਸਾਡੀ ਟਾਈਮਿੰਗ 3 ਵਜੇ ਤੱਕ ਦੀ ਹੈ। ਅਸੀਂ ਤਾ ਸਾਰੇ ਹੀ ਵਿਦਿਆਰਥੀਆਂ ਦੇ ਪੇਪਰ ਸਪੀਡ ਪੋਸਟ ਕਰਨ ਲਈ ਤਿਆਰ ਹਾਂ। ਇਹ ਕਹਿ ਕੇ ਉਨ੍ਹਾਂ ਨੇ ਆਪਣਾ ਪੱਲਾ ਝਾੜ ਲਿਆ।