ਹੈਦਰਾਬਾਦ: ਐਲੋਨ ਮਸਕ X 'ਚ ਕਈ ਬਦਲਾਅ ਕਰਦੇ ਰਹਿੰਦੇ ਹਨ। ਹੁਣ ਮਸਕ ਨੇ ਆਪਣੇ ਯੂਜ਼ਰਸ ਨੂੰ ਇੱਕ ਹੋਰ ਖੁਸ਼ਖਬਰੀ ਦੇ ਦਿੱਤੀ ਹੈ। ਕੰਪਨੀ ਨੇ ਚੁਣੇ ਹੋਏ X ਯੂਜ਼ਰਸ ਨੂੰ ਫ੍ਰੀ 'ਚ ਪ੍ਰੀਮੀਅਮ ਸੁਵਿਧਾ ਦੇਣ ਦਾ ਐਲਾਨ ਕੀਤਾ ਹੈ। ਐਲੋਨ ਮਸਕ ਨੇ ਐਲਾਨ ਕੀਤਾ ਹੈ ਕਿ 2,500 ਤੋਂ ਜ਼ਿਆਦਾ ਵੈਰੀਫਾਈਡ ਸਬਸਕ੍ਰਾਈਬਰ ਫਾਲੋਅਰਜ਼ ਵਾਲੇ X ਯੂਜ਼ਰਸ ਨੂੰ ਫ੍ਰੀ 'ਚ ਪ੍ਰੀਮੀਅਮ ਸੁਵਿਧਾ ਮਿਲੇਗੀ, ਜਦਕਿ 5,000 ਤੋਂ ਜ਼ਿਆਦਾ ਫਾਲੋਅਰਜ਼ ਵਾਲੇ ਲੋਕਾਂ ਨੂੰ ਪ੍ਰੀਮੀਅਮ+ਸੁਵਿਧਾ ਫ੍ਰੀ 'ਚ ਮਿਲੇਗੀ।
ਮਿਲੇਗਾ ਇਹ ਫਾਇਦਾ:ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਸਬਸਕ੍ਰਾਈਬਰ ਪਲੈਨ 'ਚ ਯੂਜ਼ਰਸ ਨੂੰ ਐਡ ਫ੍ਰੀ ਅਨੁਭਵ ਮਿਲੇਗਾ ਅਤੇ ਇਸ 'ਚ ਯੂਜ਼ਰਸ ਨੂੰ ਟਵੀਟ ਐਡਿਟ ਕਰਨ ਸਮੇਤ ਹੋਰ ਵੀ ਕਈ ਫੀਚਰਸ ਮਿਲਣਗੇ। ਦੂਜੇ ਪਾਸੇ, ਪ੍ਰੀਮੀਅਮ+ਸੁਵਿਧਾ ਨੂੰ ਮਸਕ ਦੇ ਚੈਟਜੀਪੀਟੀ ਸਟਾਈਲ ਚੈਟਬਾਟ GrokAI ਦਾ ਐਕਸੈਸ ਮਿਲੇਗਾ। ਮਸਕ ਨੇ ਇਸ ਹਫ਼ਤੇ ਦੀ ਸ਼ੁਰੂਆਤ 'ਚ ਪੁਸ਼ਟੀ ਕੀਤੀ ਸੀ ਕਿ GrokAI ਪ੍ਰੀਮੀਅਮ ਗ੍ਰਾਹਕਾਂ ਲਈ ਉਪਲਬਧ ਹੋਵੇਗਾ।