ସୁବର୍ଣ୍ଣପୁର: ପାଖେଇ ଆସୁଛି ପଶ୍ଚିମ ଓଡିଶାର ଗଣ ପର୍ବ ନୂଆଁଖାଇ (Nuakhai 2022) । ଆସନ୍ତାକାଲି ସହରର ଶ୍ରୀ ବଡ ଜଗନ୍ନାଥଙ୍କ ମନ୍ଦିରରେ ଅପରାହ୍ନରେ ହେବ ଲଗ୍ନ ନିର୍ଣ୍ଣୟ । ଗଡଜାତର ଇଷ୍ଟଦେବୀ ମା’ ସୁରେଶ୍ବରୀଙ୍କ ନାଁରେ ପଣ୍ଡିତ ମହାସଭା ଲଗ୍ନ ନିର୍ଣ୍ଣୟ କରିବେ । ଏଥିପାଇଁ ପୌର ପରିଷଦ ପକ୍ଷରୁ ଗଡଜାତର ପଣ୍ଡିତମାନଙ୍କ ସମେତ ଦେବାଦେବୀ ମନ୍ଦିରର ସେବାୟତ, ଗଣମାଧ୍ୟମ ପ୍ରତିନିଧି ତଥା ସହରର ବିଭିନ୍ନ ସାଂସ୍କୃତିକ ଅନୁଷ୍ଠାନର କାର୍ଯ୍ୟକର୍ତ୍ତାଙ୍କୁ ନିମନ୍ତ୍ରଣ ପ୍ରଦାନ କରାଯାଇଛି ।
ଆସନ୍ତାକାଲି ବାହାରିବ ଲଗ୍ନ, ଶ୍ରୀବଡ ଜଗନ୍ନାଥଙ୍କ ମନ୍ଦିରରେ ନିର୍ଦ୍ଧାରିତ ହେବ ଲଗ୍ନ
ପରଂପରା କ୍ରମେ ପଣ୍ଡିତ ମହାସଭା ଲଗ୍ନ ନିର୍ଣ୍ଣୟ କରି ଶ୍ରୀବଡ ଜଗନ୍ନାଥଙ୍କ ନିକଟରେ ଲଗ୍ନ ପତ୍ର ସମର୍ପଣ କରିବା ପରେ ପୌର ପରିଷଦକୁ ଲଗ୍ନ ଜଣାଇବେ । ଗଣମାଧ୍ୟମ ପ୍ରତିନିଧି ମାନେ ନିଜ ପତ୍ର ପତ୍ରିକାରେ ସୋନପୁର ଗଡଜାତର ଜନସାଧାରଣଙ୍କୁ ଲଗ୍ନ ସଂପର୍କରେ ଖବର ଦେବେ ।