ରାୟଗଡ଼ା : ରାୟଗଡ଼ା ଜିଲ୍ଲା ସୁଳିପଦର ଗାଁରେ ମାଆ ମାଣିକେଶ୍ଵରୀଙ୍କ ନିଆରା ଦଶହରା ପର୍ବ ଅନୁଷ୍ଠିତ ହୋଇଯାଇଛି । ଏହି ଅବସରରେ ମାଣିକେଶ୍ଵରୀ ମନ୍ଦିର ପ୍ରାଙ୍ଗଣରେ ସ୍ଵତନ୍ତ୍ର ବିଧାନରେ ପୂଜାର୍ଚ୍ଚନା ସହ ଝାମୁଯାତ୍ରା ହୋଇଥିଲା । ଜୟପୁର ରାଜା ବିକ୍ରମ ଦେବ ସିଂହଙ୍କ ରାଜୁତି ସମୟରେ କଲ୍ୟାଣସିଂହପୁର ଠାରେ ରାଜା କଲ୍ୟାଣ ଦେବଙ୍କ ରାଜୁତି ଚାଲିଥିବା ସମୟରେ ମା’ଙ୍କର ଆର୍ବିଭାବ ହୋଇଥିଲା।
ସୁଳିପଦରରେ ମାଆ ମାଣିକେଶ୍ଵରୀଙ୍କ ନିଆରା ଦଶହରା ପାଳିତ
ସେହି ଦିନ ଠାରୁ ସୁଳିପଦର ଗାଁରେ ମାଆଙ୍କର ମନ୍ଦିର ସ୍ଥାପନ କରି ପୂଜାର୍ଚ୍ଚନା ହୋଇଆସୁଛି । ତେଣୁ ପ୍ରତିବର୍ଷ ଭଳି ଚଳିତ ଭାଦ୍ରବ ମାସ ଦ୍ଵାଦଶ ତିଥି ନବାନ୍ନସହ ବିଜୟା ଦଶମୀରେ ମନ୍ଦିର ପ୍ରାଙ୍ଗଣରେ ଝାମୁ ଯାତ୍ରା ବା ଅଗ୍ନି ଯାତ୍ରା ଅନୁଷ୍ଠିତ ହୋଇଥିଲା। ବିଜୟା ଦଶମୀରେ ମାଁ ମାଣିକେଶ୍ୱରୀ ଓ ଭୈରବ ଦେବଙ୍କ ପୂଜକ ନିକଟସ୍ଥ ଏକ ଝରଣାରୁ ବାଲି ସଂଗ୍ରହ କରିଥାନ୍ତି ।