ନୟାଗଡ଼: ବସ୍-ଟ୍ରକ ଧକ୍କା । ନୟାଗଡର ଇଟମାଟି ଥାନା ବାଉଁଶିଆପଡାରେ ଠାରେ ଗୁରୁବାର ସକାଳେ ବସ୍ ଓ ଟ୍ରକ ଧକ୍କା ହୋଇଛି । ଘଟଣାସ୍ଥଳରେ ଟ୍ରକ ଡ୍ରାଇଭର ମୃତ। ଦୁର୍ଘଟଣାର ଶିକାର ହୋଇଥିବା ଯାତ୍ରୀବାହୀ ‘ଓଁ ଶାନ୍ତି ବସ୍’ରେ ଥିବା ଯାତ୍ରୀଙ୍କ ମଧ୍ୟରୁ 10ଜଣ ଆହତ ହୋଇଛନ୍ତି ।
ଫୁଲବାଣୀରୁ ଭୁବନେଶ୍ବର ଯାଉଥିବା ଓଁ ଶାନ୍ତି ବସ୍ ଗୁରୁବାର ସକାଳେ, ବାଉଁଶିଆପଡା ଠାରେ ଏକ ଟ୍ରକ ସହ ଧକ୍କା ହୋଇଥିଲା । ଘଟଣା ସ୍ଥଳରେ ଟ୍ରକ ଡ୍ରାଇଭର ମୃତ୍ୟୁ ହୋଇଥିଲା । ତେବେ ବସ୍ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିଲା । ବସ୍ରେ ଥିବା ଯାତ୍ରୀ ମାନଙ୍କ ମଧ୍ୟରୁ 10ରୁ ଅଧିକ ଯାତ୍ରୀ ଆହତ ହୋଇଥିଲେ । ସ୍ଥାନୀୟ ଲୋକଙ୍କ ସାହାଯ୍ୟରେ ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ମୃତ ଡ୍ରାଇଭରଙ୍କ ପରିଚୟ ମିଳିପାରିନାହିଁ ।