ନବରଙ୍ଗପୁର: ବିଷ ପିଇ ପ୍ରେମୀ ଯୁଗଳଙ୍କ ଆତ୍ମହତ୍ୟା ଅଭିଯୋଗ । ଏପରି ଅଘଟଣ ଘଟିଛି ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଚିକିଲି ଗୌଡ଼ ସାହିରେ। ଚିକିଲି ଗୌଡ଼ ସାହି ଗ୍ରାମର ଖାମସିଂ ଗୌଡ଼ ସାନ ପୁଅ ଇନ୍ଦ୍ର ଗୌଡ଼ ଓ ଜୟସିଂ ଗୌଡ଼ଙ୍କ ସାନ ଝିଅ ଦୁତିକା ଗୌଡ଼ ଉଭୟ ଦୁଇ ଜଣ ପରସ୍ପରକୁ ଭଲପାଉଥିଲେ। ଏବଂ ୧୫ ଦିନ ତଳେ ପ୍ରେମିକ ଇନ୍ଦ୍ର ଗୌଡ଼ ପ୍ରେମିକା ଦୁତିକା ଗୌଡ଼କୁ ନିଜ ଘରକୁ ଆଣି ନୂଆ ଦାମ୍ପତ୍ୟ ଜୀବନ ଆରମ୍ଭ କରିଥିଲେ ।
ତେବେ ସବୁ ଠିକ ଠାକ ଚାଲୁଥିବା ବେଳେ ହଠାତ ଦୁଇ ଜଣ ବିଷ ପିଇ ଛଟପଟ ହେଉଥିବାର ପରିବାର ଲୋକେ ଦେଖିଥିଲେ। ଏବଂ ସଙ୍ଗେ ସଙ୍ଗେ ଏକ ଅଟୋ ଦ୍ବାରା ଝରିଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣି ଭର୍ତ୍ତି କରିଥିଲେ। ତେବେ ଚିକିତ୍ସାରତ ସମୟରେ ହିଁ ଦୁଇ ଜଣଙ୍କ ମୃତ୍ୟୁ ହୋଇଯାଇଥିଲା ଓ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।