ବିଷାକ୍ତ ଛତୁ ଖାଇ ୬ ଗୁରୁତର

ବାଲେଶ୍ଵର ଜିଲ୍ଲା ରାଜବରମପୁର ଥାନା ଶୀର୍ଷା ସାହିର ଗୋଟିଏ ପରିବାରର ୬ ଜଣ ସଦସ୍ୟ ବିଷାକ୍ତ ଛତୁ ଖାଇ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ସମସ୍ତଙ୍କୁ ଉଦଳା ଡାକ୍ତରଖାନା ରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଅଧିକ ପଢନ୍ତୁ......

ମୟୁରଭଞ୍ଜ: ବାଲେଶ୍ଵର ଜିଲ୍ଲା ରାଜବରମପୁର ଥାନା ଶୀର୍ଷାସାହିର ଗୋଟିଏ ପରିବାର ର ୬ ଜଣ ସଦସ୍ୟ ବିଷାକ୍ତ ଛତୁ ଖାଇ ଗୁରୁତର ହୋଇଛନ୍ତି । ଶୀର୍ଷା ସାହିର ଜାନୁ ହେମ୍ବ୍ରମ ନିଜ ଗାଁ ପାଖ ଜଙ୍ଗଲରୁ ଛତୁ ସଂଗ୍ରହ କରି ଖାଇଥିଲେ। ତେବେ ଛତୁ ତରକାରୀ ଖାଇବା ପରେ ପରିବାରର ସମସ୍ତ ସଦସ୍ୟଙ୍କୁ ବାନ୍ତି ହୋଇଥିଲା।

ଅସୁସ୍ଥଙ୍କ ମଧ୍ୟରେ 3 ଜଣ ଛୋଟ ପିଲା ଥିବା ଜଣାପଡିଛି। ପରିବାର ସମସ୍ତ ସଦସ୍ୟଙ୍କୁ ଚିକିତ୍ସା ପାଇଁ ମୟୁରଭଞ୍ଜ ଜିଲ୍ଲା ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ସମସ୍ତ ସଦସ୍ୟଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ରହିଥିବା ଡାକ୍ତର କହିଛନ୍ତି।

ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ