ମାଲକାନଗିରି: ଆଜି(ଶନିବାର) ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ କୋରୋନା ସମ୍ମୁଖ ଯୋଦ୍ଧା ଭାବେ ଘୋଷିତ ଜିଲ୍ଲାର ୭ଟି ବ୍ଲକ ଓ ଜିଲ୍ଲାସ୍ତରୀୟ ସାମ୍ବାଦିକଙ୍କୁ କୋଭିଡ଼ ଟୀକା ପ୍ରଦାନ କରାଯାଇଛି । ଏଠାରେ ଟୀକାକରଣ କାର୍ଯ୍ୟକ୍ରମ ଆରମ୍ଭ ହେବାକୁ ଥିବା ବେଳେ ସ୍ଥାନୀୟ ବହୁ ଲୋକ ଟୀକା ଦିଆଯିବାର ଖବର ପାଇ ସେଠାରେ ପହଞ୍ଚି ଭିଡ଼ କରିଥିଲେ । ଫଳରେ ସାମ୍ବାଦିକଙ୍କୁ ଟୀକା ପ୍ରଦାନ କରିବାରେ ବିଳମ୍ବ ହୋଇଥିଲା । ତେବେ ଟାଉନ ପୋଲିସ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବା ପରେ ସ୍ଥିତି ସ୍ୱାଭାବିକ ହେବାରୁ ଟୀକାକରଣ କାର୍ଯ୍ୟକ୍ରମ ଆରମ୍ଭ ହୋଇଥିଲା ।
ମାଲକାନଗିରି ଜିଲ୍ଲାରେ ସାମ୍ବାଦିକଙ୍କୁ କୋରୋନା ଟୀକା ପ୍ରଦାନ
ଜିଲ୍ଳାର ମୋଟ 144ଜଣ ସାମ୍ବାଦିକଙ୍କୁ ଟୀକା ଦେବାର ତାଲିକା ପ୍ରସ୍ତୁତ ହୋଇଥିବାବେଳେ ବହୁ ସାମ୍ବାଦିକ ଯେଉଁମାନଙ୍କର ବୟସ ୪୫ରୁ ୬୦ ମଧ୍ୟରେ ସେମାନେ ସମସ୍ତେ ପ୍ରାୟତଃ ଟୀକା ନେଇ ସାରିଥିବାରୁ ଆଜି ମାତ୍ର 120ଜଣ ସାମ୍ବାଦିକ ଟୀକା ନେଇଥିଲେ ।