ମାଲକାନଗିରି: ଖଇରପୁଟ ବ୍ଲକ ମୁଦୁଲିଗୁଡାରେ ଲଗାଣ ବର୍ଷା । ପ୍ରବଳ ବର୍ଷା ଯୋଗୁଁ ପାହାଡରୁ ହଠାତ ପାଣି ମାଡି ଆସି ଓରିଙ୍ଗ ଓ ମୁଡୁଲିଗୁଡା ନାଳ ଫୁଲି ଉଠିଛି । ଏହି ସମୟରେ ଜଣେ ମହିଳା ନାଳ ପାର ହେଉଥିବା ବେଳେ ଭାସିଯାଇ ତାଙ୍କର ମୃତ୍ୟୁ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବାଦଦାତା
35 ବର୍ଷୀୟ ଧନେଇ ଖିଲ ଜମିରେ ଚାଷ କାମ ସାରି ଗାଁକୁ ଫେରୁଥିଲେ । ନାଳ ଦେଇ ଗାଁକୁ ଫେରୁଥିବା ବାଟରେ ହଠାତ ନାଳରେ ପାଣି ଆସିଯିବାକୁ ଭସେଇ ନେଇଥିଲେ । ତେବେ ଘରକୁ ମହିଳା ଜଣକ ଆସିବାରେ ବିଳମ୍ବ ହେବାରୁ ସ୍ବାମୀ ଓ ଗ୍ରାମବାସୀ ଖୋଜାଖୋଜି ଆରମ୍ଭ କରିଥିଲେ । ଏହାପରେ ନାଳରୁ ମହିଳାଙ୍କ ମୃତ ଦେହ ଉଦ୍ଧାର କରିଥିଲେ ।