କୋରାପୁଟ: ପ୍ରବଳ ବର୍ଷା ଏବଂ ପବନ ସହିତ ସାଧାରଣ ଜୀବନକୁ ପ୍ରଭାବିତ କରିବା ପରେ ଟ୍ରପିକାଲ୍ ସାଇକ୍ଲୋନ୍ ଗୁଲାବ ଆଜି କୋରାପୁଟ ଛାଡିଛି । ଏହି ଘୂର୍ଣ୍ଣିବଳୟ ଜନିତ ବର୍ଷା ଓ ପବନ ଯୋଗୁଁ କୋରାପୁଟ ଜିଲ୍ଲାରେ ଅତି କମରେ 325 ଘର କ୍ଷତିଗ୍ରସ୍ତ ହୋଇଛି ବୋଲି ଏଡିଏମ ଦେବନ କୁମାର ପ୍ରଧାନ କହିଛନ୍ତି ।
ବାତ୍ୟା ଗୁଲାବ ପ୍ରଭାବରେ ଜିଲ୍ଲାର 12ଟି ବ୍ଲକ ଏବଂ 2 ଟି ପୌରାଞ୍ଚଳରେ ଦେଖିବାକୁ ମିଳିଛି । ବିଶେଷ କରି ଜିଲ୍ଲାରେ ବାତ୍ୟା ଗୁଲାବ ପଟାଙ୍ଗୀ,କୋରାପୁଟ,ଜୟପୁର ପୌରାଞ୍ଚଳକୁ ପ୍ରଭାବିତ କରିଛି। ପଟ୍ଟାଙ୍ଗୀ ବ୍ଲକ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି । ପଟ୍ଟାଙ୍ଗୀ ବ୍ଲକରେ ଥିବା ନଦୀଗୁଡ଼ିକରେ ଫ୍ଲାସ୍ ଫ୍ଲଡ଼ ପରିସ୍ଥିତି ସୃଷ୍ଟି ହୋଇଛି । ଆନ୍ଧ୍ରପ୍ରଦେଶ ଓ ଓଡିଶାକୁ ଯୋଗାଯୋଗ କରୁଥିବା ପଟ୍ଟାଙ୍ଗି ବ୍ଲକର ରାଲେଗଡା ଏବଂ ସୁଙ୍କି ନିକଟସ୍ଥ 4 ଟି ସ୍ଥାନରେ ପାର୍ବତ୍ୟ ଜମି ରାସ୍ତା ଉପରକୁ ଖସିପଡିଛି। ଜାତୀୟ ରାଜପଥରେ ବ୍ରିଜ୍ ଉପର ଦେଇ ନଦୀଜଳ ପ୍ରବାହିତ ହେବା ସହ କାଦୁଅ ଏବଂ ଭୂସ୍ଖଳନର ପଥର ରାସ୍ତା ଉପରେ ପଡିରହିଥିବା ଯୋଗୁଁ ଦିନସାରା କୋରାପୁଟ ଜିଲ୍ଲା ଦେଇ ଯାଇଥିବା ଜାତୀୟ ରାଜପଥ ଉପରେ ସଡ଼କ ଯୋଗାଯୋଗ ଅବରୋଧ ହୋଇ ରହିଥିଲା । ଫଳରେ ଓଡିଶା ଓ ଆନ୍ଧ୍ରପ୍ରଦେଶ ମଧ୍ୟରେ ଯାତାୟତ ଠପ ହୋଇଯାଇଥିଲା । ଜିଲ୍ଲ ଚାରିଟି ସ୍ଥାନରେ ଭୂସ୍ଖଳନ ସହ ଅତି କମରେ 325 ଘର କ୍ଷତିଗ୍ରସ୍ତ କରି ଗୁଲାବ ବାତ୍ୟା କୋରାପୁଟ ଛାଡିଛି ।