ଭୁବନେଶ୍ୱର:ବୟସ୍କ ଲୋକଙ୍କ ପାଇଁ ମଡର୍ନ ବା ସ୍ମାର୍ଟ ଲାଠି । ସେମାନଙ୍କ ଦୈନନ୍ଦିନ ଜୀବନରେ ସାଜିବ ସାହାରା । ଏଭଳି ଏକ ଅଭିନବ ଷ୍ଟିକକୁ ବନାଇଛନ୍ତି ଜଣେ ୮ମ ଶ୍ରେଣୀର ଛାତ୍ରୀ । ସେ ହେଉଛନ୍ତି ଭିମତାଳି ୟୁପିଏ ସ୍କୁଲର ସୁଜାତା ପ୍ରଧାନ । ତେବେ ଏହି ପ୍ରୋଜେକ୍ଟକୁ ରାଜ୍ୟସ୍ତରୀୟ ଶିଶୁ କାର୍ଯ୍ୟକ୍ରମ ସୁରଭି ବିଜ୍ଞାନ ପ୍ରଦର୍ଶନୀରେ ପ୍ରଦର୍ଶିତ କରିଛନ୍ତି । ସୁଜାତା ପାଠ ପଢା ସହ କିଛି ଅଲଗା କରିବାକୁ ସବୁବେଳେ ମନ ବଳାଇଥାନ୍ତି । ତେବେ ଏହି ସ୍ମାର୍ଟ ଷ୍ଟିକ ଦେଖିବାକୁ ଲୋକଙ୍କ ଭିଡ ଜମିଛି । ମଡର୍ନ ଷ୍ଟିକଟି ଦେଖିବାକୁ ବହୁତ ସୁନ୍ଦର ହୋଇଥିବା ବେଳେ ଏହା ବେଶ୍ ହାଲୁକା ଏବଂ ମଲ୍ଟି ଷ୍ଟିକ ଭାବରେ କାର୍ଯ୍ୟ ମଧ୍ୟ କରିପାରେ ।
ତେବେ ସୁଜାତା କହିଛନ୍ତି ଯେ,"ଏହି ସ୍ମାର୍ଟ ଷ୍ଟିକ ମଲ୍ଟି ଭାବରେ ସମସ୍ତ କାର୍ଯ୍ୟ କରିବ । ଯଦି ବୟସ୍କ ଲୋକମାନେ ଚାଲୁଥିବା ବେଳେ କୌଣସି କାରଣରୁ ଥକି ପଡନ୍ତି, ତେବେ ଏହି ଷ୍ଟିକରେ ବସିବା ପାଇଁ ମଧ୍ୟ ବ୍ୟବସ୍ଥା କରାଯାଇଛି । ଯାହା ଫଳରେ ଭଲ ଭାବରେ ଜଣେ ଏହି ଷ୍ଟିକରେ ବସିପାରିବ । ଅନ୍ୟପଟେ ଏହି ସ୍ମାର୍ଟ ଷ୍ଟିକରେ ରହିଛି ଗୋଟିଏ ଛୋଟିଆ ବାସ୍କ । ଯେଉଁଥିରେ କିଛି ମେଡ଼ିସିନ ରଖାଯାଇପାରିବ । ଗୋଟିଏ ଛୋଟ ପାଣି ବୋତଲ ମଧ୍ୟ ରହିଛି । ଯେଉଁଥିରେ ଓ ଆରଏସ ପାଣି କିମ୍ବା ସାଧାରଣ ଭାବରେ ପିଇବା ପାଣି ରଖାଯାଇପାରିବ । ଏହା ସହ ଏହି ସ୍ମାର୍ଟ ଷ୍ଟିକରେ ଏକ ଡିଭାଇସ ଲାଗିଛି । ଯଦି କୌଣସି ପଦାର୍ଥ କିମ୍ବା କୌଣସି ଜୀବଜନ୍ତୁ ମାନେ ପାଖକୁ ଆସନ୍ତି ତେବେ ଏହି ଡିଭାଇସ ପୂର୍ବରୁ ସତର୍କ କରାଇବ । ଏହି ସ୍ମାର୍ଟ ଷ୍ଟିକ ନିକଟକୁ ଆସିବା ମାତ୍ରେ ଏକ ସାଇରନ କରିବ। ଯାହା ଫଳରେ ଜଣେ ଦୃଷ୍ଟିହୀନ ବ୍ୟକ୍ତି ସଜାଗ ଏବଂ ସତର୍କ ହୋଇପାରିବ । ଯାହା ଫଳରେ ନିଜ ଯିବାକୁ ବଞ୍ଚାଇ ସୁରକ୍ଷିତ ରଖିପାରିବ। "