ଭବାନୀପାଟଣା:ଜିଲ୍ଲାରେ ଉଗ୍ର ରୂପ ନେଉଛି ଦାଦନ ପ୍ରଥା । ରୋଜଗାର ଆଶାରେ ଅନେକ ଅନ୍ୟ ରାଜ୍ୟ ମୁହାଁ ହେବାରେ ଲାଗିଛନ୍ତି । କିନ୍ତୁ ଅନେକ ସମୟରେ କିଏ ମୃତଦେହ ହେଇ ଫେରୁଛି ତ ଆଉ କିଏ ବିକଳାଙ୍ଗ ହେଇ ଫେରୁଛି । ଦାଦନ ଖଟିବାକୁ ଯାଇଥିବାବେଳେ ମୂଷାପାଲି ଗାଁର ଜଣେ ଯୁବକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ମୃତ ଯୁବକ ହେଉଛନ୍ତି ଚନ୍ଦ୍ରମଣି ରାଉତ ।
ପରିବାର ପ୍ରତିପୋଷଣ ଆଶାରେ ଗତ ବର୍ଷେ ତଳେ ସୁଦୂର ଆନ୍ଦ୍ରପ୍ରଦେଶ ରାଜ୍ୟର ନିଜାମବାଦକୁ ଦାଦନ ଖଟିବାକୁ ଯାଇଥିଲେ ଚନ୍ଦ୍ରମଣି । ସେଠାରେ ଶ୍ରମିକ ଭାବରେ ଏକ ଠିକା ସଂସ୍ଥାର କାମ ମଧ୍ୟ କରୁଥିବା ବେଳେ ଗତ ୨ ତାରିଖ ଦିନ କାମ କରୁଥିବାବେଳେ ସେ ହଠାତ ପଡି ଯାଇଥିଲେ । ଏହା ପରେ ସାଥି ଶ୍ରମିକ ଆମ୍ବୁଲାନ୍ସରେ ତାଙ୍କୁ ନିକଟସ୍ଥ ମେଡ଼ିକାଲକୁ ନେଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ବେଳେ ସାଥି ଶ୍ରମିକ ଚନ୍ଦ୍ରମଣିଙ୍କ ମୃତ ହୋଇଥିବା ନେଇ ସମ୍ପୃକ୍ତ ଠିକ ସଂସ୍ଥା ଓ ତାଙ୍କ ପରିବାରକୁ ଜଣାଇ ଥିଲେ । ପରେ ପରିବାର ଲୋକେ ଠିକା ସଂସ୍ଥା ମାଲିକକୁ ମୃତଦେହ ଗାଁକୁ ପଠାଇବା ପାଇଁ କହିବା ପରେ ମଧ୍ୟ ସମ୍ପୃକ୍ତ ଠିକ ସଂସ୍ଥା କୌଣସି ସାହାଯ୍ୟ କରିବା ପାଇଁ ସିଧାସଳଖ ମନା କରିଦେଇଥିଲା ।