ଭବାନୀପାଟଣା :ଭାଲୁ ଆକ୍ରମଣରେ ୩ ଗୁରୁତର । କଳାହାଣ୍ଡି ଜିଲ୍ଲା କେସିଙ୍ଗା ଥାନା ଅନ୍ତର୍ଗତ ଜାମଜୋର ଗାଁରେ ଭାଲୁ ଆକ୍ରମଣ (Bear attack in Kalahandi Jamjor village) । ଧାନ କାଟିବାକୁ ଯାଇଥିବା ବେଳେ ହଠାତ୍ ଭାଲୁ କରିଥିଲା ଆକ୍ରମଣ । ତେବେ ଲୋକେ ଭାଲୁକୁ ଦେଖି ଘଟଣାସ୍ଥଳରୁ ଦୌଡ଼ି ପଳାଇଥିଲେ । ହେଲେ ଏହି ୩ଜଣ ଭାଲୁ ହାବୁଡ଼ରେ ପଡ଼ିଯାଇଥିଲେ ।ଭାଲୁ ଆକ୍ରମଣରେ ୩ଜଣ ଗୁରୁତର ଭାବେ ଆହତ ହୋଇଛନ୍ତି ।
ସୂଚନାନୁସାରେ, କଳାହାଣ୍ଡି ଜିଲ୍ଲା କେସିଙ୍ଗା ଥାନା ଅନ୍ତର୍ଗତ ଜାମଜୋର ଗାଁର କିଛି ମହିଳା ଧାନ କାଟିବାକୁ ଗାଁ ମୁଣ୍ଡରେ ଥିବା ଚାଷ ଜମିକୁ ଯାଇଥିଲେ (Kalahandi Jamjor village)। ସେହି ସମୟରେ ହଠାତ ନିକଟସ୍ଥ ଏକ ଜଙ୍ଗଲରୁ ଭାଲୁ ଦୌଡି ଆସି ଜମିରେ କାମ କରୁଥିବା ଲୋକଙ୍କ ଉପରେ ଆକ୍ରମଣ କରିଥିଲା । ଏହାଦେଖି ସେଠାରେ କାମ କରୁଥିବା ବାକି ଲୋକେ ପ୍ରାଣ ବିକଳରେ ଦୌଡ଼ି ପଳାଇଥିଲେ ।
ହେଲେ ୨ ଜଣ ମହିଳା ଓ ଜଣେ ପୁରୁଷ ଭାଲୁ ହାବୁଡ଼ରେ ପଡ଼ିଯାଇଥିଲେ । ଏହି ୩ଜଣଙ୍କୁ ଆକ୍ରମଣ କରିଥିଲା ଭାଲୁ(Bear attack 3 injured )। ଭାଲୁ ମହିଳାଙ୍କ ମୁହଁରେ ଆକ୍ରମଣ କରୁଥିବା ବେଳେ ଗ୍ରାମବାସୀ ଘଟଣାସ୍ଥଳରେ ପହଞ୍ଚି ଯାଇଥିଲେ । ସେଠାରେ ପହଞ୍ଚି ଭାଲୁଟିକୁ ଘଉଡାଇଥିଲେ । ହେଲେ ସେତେବେଳକୁ ଭାଲୁ ୩ଜଣଙ୍କୁ ଆକ୍ରମଣ କରିସାରିଥିଲା ।